Kiassarneq

Kiassarneq pillugu apeqqutitit ataani akissutissarsikkit.

varme FAQ2

Kalaallit Nunaat tamakkerlugu Nukissiorfiit 3.842-inik ungasianit kiassaanermut atuisoqarpoq.

 

 

 

Ungasianiit kiassaaneq sunaava? Ungasianiit kiassaaneq tassaavoq imeq kissartoq kiassaateqarfimmeersoq, innaallagissiorfiutigaluni kiassaateqarfimmeersoq imaluunniit ikuallaavimmeersoq, ruujorersuartigut oqorsarluarneqarsimasutigut inissianut siaruarterneqartoq. Inissiani imeq kissartoq kiassaanermut atorneqarpoq aamma imermut kuuinnartumut kissartumut. Imeq kiassaanermut atorneqartoq atoreeraangami kiassaateqarfimmut utertinneqartarpoq tassanilu kissaqqinneqarluni.
Innaallagissamik kiassaaneq sunaava? Innaallagissamik kiassaaneq tassaavoq nukissiuummut innaallagissamik atuisumut ataatsimoortumik kiassaariaatsimut taaguut. Inissiat / illut innaallagissamik kiassakkat innaallagissamut ikkusimasunik kiassaateqarput kiassaatitut nalinginnaasutut isikkoqartunik. Kiassaat innaallagissamoortoq innaallagissamik kiassarneqarpoq, taanna kiannerpaaffissamik kissanneqartarpoq sarfalersorneqartilluni. Termostateqarnerata isumagisarpaa kiassaatip innaallagissamoortup nammineq nillertikkaangat ikittarnera aamma qamittarpoq kissarnissani aalajangerneqartoq anguguniuk. Innaallagissamik kiassaaneq taamaallaat Nuummi, Sisimiuni, Qaqortumi, Narsami aamma Ilulissani pissarsiarineqarsinnaavoq, innaallagissamik imermik nukissiorfinniit pilersuisoqarmat.
Innaallagissamik kiassaaneq qaminneqarsinnaasoq sunaava?
MInnaallagissamik qaminneqarsinnaasumik kiassaaneq tassaavoq qalaassivimmik innaallagissamoortumik ikkussisoqarsimappat aamma sillimmatitut uuliatortumik kissarsuuteqaraanni. Taamaattoqartillugu Nukissiorfiit qalaassivik innaallagissamoortoq piffissap ilaani qamissimasinnaavaa, tamatuma kingorna pisisartup kissarsuutaata uuliatortup kiassaaneq ingerlatilissavaa.
Sooq innaallagissamit kiassaaneq qaminneqarsinnaasoq? 
Imermik nukissiorfiit piginnaasaqarnerannut ajornartorsiutaasinnaasut pinngitsoortinniarlugit Nukissiorfiit pisisartut neqeroorfigaat innaallagissamik qaminneqarsinnaasumik kiassaasinnaanermik.Allatut aaqqiisoqassappat Nukissiorfiit namminneq uuliamik uunnaaviusat amerlisariaqassavai imaluunniit elektrokedlit pisinnaasaat aaqqiiffigissavaat, tamanna ataatsimut isigalugu akiusumik akisunerulersitsissaaq.
Sooq uanga nammineq kombifyriutiga akilissavara?
Inuinnarmut atuisumut innaallagissamit qaminneqarsinnaasumit kiassaaneq neqeroorutaavoq piumasaqaataanngitsoq. Sumiiffinni sanaartorfiunerusuni suliffissuaqarfiusunilu ungasianiit kiassaanermik Nukissiorfiit pilersaaruteqarfiginngisaanni, imermik nukissiorfittallit illoqarfiit elektrokedlimik aalajangersimasumik annertussusilimmik ikkussuiffigineqassapput, Nukissiorfinnit pigineqartunik aserfallatsaaliorneqartartunillu. Tamanna inuiaqatigiit aningaasaqarnerannut avatangiisinullu eqqortuliorneruneruvoq.
Sunaana elektrokedel? Elektrokedel atortuuvoq innaallagiaq atorlugu imermik kissaasartoq soorlu assersuutigalugu kissarsuummut uuliatortumut taarsiullugu. Elektrokedelit assigiinngitsumik angissusillit pissarsiarineqartarput angerlarsimaffinnilu aamma suliffissuaqarfimmi atorneqartarlutik. Kedelit Kalaallit Nunaanni innaallagissamik kiassaanermut aamma ungasianit kiassaanermik nioqqutissiornermut atorneqartarput.
Utoqqarmiut Kangerluarsunnguat qaqugu allilerneqassava? Alliliinissaq pisariaqartinneqanngilaq Nuummi nukissamik atuineq siumut naatsorsuutigineqareersutut ima pilertortigisumik annertusiartunngimmat. Tamanna ilaatigut pissuteqarpoq sanaartornermik suliaqartut nutaanik sanaartornermut iluarsartuussinermullu atatillugu nukissiuutinik atuinerminnik ilisimasaqarnerulersimanerat.Tamatumunnga ilutigitillugu eqqakkanik ikuallaasarfimmik anginerusumik peqalernissaq kinguneqarpoq ungasianiit kiassaaneq ullumikkut innaallagissamit pisartoq annikillissammat, taamaattumillu tamanna innaallagissamik nioqqutissiornermut innaallagissamiillu kiassaanermut atorneqartussanngorluni.
Utoqqarmiut Kangerluarsunnguanni innaallagialiorsinnaassutsip ajornartorsiutaanera pinngitsoortinniarlugu Nukissiorfiit qanoq iliorpat?
 
Nukissiorfiit Inatsisartunut ingerlaavartumik nalunaarusiortarput piginnaassuseqarnerannullu unamminartunut aaqqiissutissanik innersuussisarlutik. Soorlu assersuutigalugu innaallagiaq aasaanerani qaammatini nioqqutissiarineqartartoq sinneruttoq toqqorsinnaanissaannut aaqqiissutissarsiorneq. Nukissiorfiit misissorpaattaaq piujuaannartumik nukissiornerup iluani allanik periarfissarsiorneq, soorlu assersuutigalugu seqernup qinngorneranit nukissamik nioqqutissiornermut atortumik ikkussisimallutik, tamatuma nunap iluanit kiammik atuineq (geoenergianlæg) peqatigalugu suliffeqarfik ilisimasanik pisariaqartunik suliffeqarfiup peqalernissaa taamaattut nukissiuummik pissarsiffiusinnaasut Nukissiorfiit siunissami nukissiuutinik nioqqutissiornerani ilaalersinneqarsinnaanerat naliliiffiginiarlugu.
Kissarsuutiga uuliatortoq innaallagissamik imaluunniit ungasianit kiassaanermik taarserniarpara, qanoq iliussaanga? Nuummiunngitsoq illoqarfimmi allami najugaqaruit nunap immikkoortuani illoqarfimmi Nukissiorfinnut saaffiginnissaatit. Nuummi najugaqaruit taava paasiniaruk illoqarfiup sortaani najugaqarnersutit ugguuna: http://www.nukissiorfiit.gl/suliffeqarfiit/ungasianit-kiassarneq/nuummi-kiassaateqarneq/ Tassani takusinnaavatit periarfissatit suunersut. Ungasianit kiassaanissamut, Aalajangersimasumik innaallagiaqarnissamut imaluunniit innaallagissamit qaminneqarsinnaasumit kiassarneqarnissamut periarfissaqaruit immersugassaq “Ansøgning om tilslutning til fjernvarme/elvarme” immersussavat Nuummilu Nukissiorfinnut saaffiginnillutit.
Innaallagissamik aalajangersimasumut kiassarneqarnissamik qinnuteqaatInnaallagissamik qaminneqarsinnaasumut kiassarneqarnissamik qinnuteqaat

Ungasianit kiassarneqarnissamik qinnuteqaat