Sulisoqarnermut siunnersorti

”Allanngortitsisoqarluartarsinnaanera nalinginnaasumik malugisarpara, suleqatit ilikkagaqarluarsimasut aamma suliatigut inuttullu ineriartorluarsinnaanissamut periarfissaqarluarnera”

 Vivian Mørch Simonsen

Vivian grl landing

Inuit qanorlu ilinniagaqarneq apeqqutaatinnagu sulisinnaaneq
Uanga suliassakka tassaapput sulisut allaffissornikkut sullinneqarnerannut tunngasut, kisitsisitigut paasissutissat kiisalu suliffeqarfimmi pikkorissartarneq aamma ilinniarneq. Nukissiorfiit suliffeqarfiuvoq suliatigut ilinniarsimanerit amerlasoorpassuit ilinniagaralugit ataatsimut suleqatigiiffiusoq, taamaammat inuppassuit assigiinngitsut suliatigullu ilinniagallit arlaqartut ullup ataatsip ingerlanerani attaveqarfigineqartarlutik. Tamanna suliatigut qanoq ilinniarsimaneq apeqqutaatinnagu suliaqarfiulluartarpoq, tamannalu pissanganarluinnartuuvoq ilikkagaqarfiulluartarlunilu.

Suliat assigiinngisitaartut aamma inerneri
Suliassakka assigiinngisitaartorujussuupput – ullut marluk assigiinneq ajorput. Tamatigut sulianni ineriartorneq takuneqarsinnaajuaannartuuvoq, aamma nammineq suliat qanoq kinguneqarluartarnersut takusinnaasarpakka. Tamanna suliassanut nutaanut nukissaqalersitsisarpoq. Aqutsisut qanoq pisoqarneranik ilisimatitsilluartarput – soorlu assersuutigalugu uagut sulisut qaammammut ataasiarluta ataatsimiikkaangatta imaluunniit intranetterput aqqutigalugu.

Immitsinnut paarivugut
Kalaallini suliffeqarfinni Nukissiorfiit suliffeqarfiuvoq angisuujusoq, kisianni taamaakkaluartoq pitsaasumik ataatsimoorfiusartoq. Kikkut tamarmik imminnut ilisarisimapput, aamma immitsinnut paarilluartarpugut. Ullaaq ulapaarfiulaarluni aallartissimagaluarpalluunnit unnukkut angerlaraangatta isumagissaartarpugut.

Ilinnut qinnuteqartumut siunnersuutitsialak
Suliffeqarfiup tunngaviusumik naleqartitai paasikkit imminullu erseqqissaavigiit suliatigut ineriartornissamut qanoq eqqarsaateqarnersutit – Nukissiorfinnimi piginnaanivit annertusarnissaanut periarfissat amerlaqaat.