Imeqarfimmi aqutsisoq

”Pissanganartumik suliffeqarpunga amerlasoorpassuarnik unamminartortaqartumik aamma suleqatinnik pitsaasumik ikinnguteqartitsisumik”

Hussein Ghobeishi

Hussein grlsk2

Suleqatigiilluarneq ingerlatsinerlu
Imermik nioqqutissiornermik siaruarterinermillu immikkoortortaqarfimmi Nuummi innuttaasunut pingaarnerpaamik akisussaaffipput tassaavoq imermik peqqinnartumik pitsaanerpaamillu imeqartinnissaannut, pilersuinerup qularnaarneqarnissaanut pinngortitamullu mianerinnittumik. Sulisut aqutsisuattut suliassara tassaavoq nalinginnaasumik suliassanik ataqatigiissaarinissaq, immikkoortortaqarfimmilu ulluinnarni aqutisutut atuuttuullunga. Suliffiga suliakkalu pissanganartuujuaannartuupput. Tamatigut ulapaartuaannartuuvugut, akuttunngitsumillu pilertortorujussuarmik aalajangiisariaqartarpugut. Suleqatigiilluartartuuvugut pikkorilluartunik suleqateqarluta.

Suliatigut inuttullu piginnaasaqarneq
Nukissiorfinni ukiuni 17-inngajanni atorfeqarpunga. Ukiorpassuarni taakkunani suliassat allanngoriartorsimaqaat. Suliffiga suliatigut pikkorissuunissamik uangalu inuttut piginnaasaqarnissannut piumasaqaatitaqarpoq, isumaqarpungalu tamanna ulluinnarni kajumissuseqalersitsinartuusoq. Aqutsisutut pikkorissarnermik ingerlataqarnissamut neqeroorfigineqartarpugut, taamaattumik qamuuna suliatigullu suliassanut sungiussisimalluartartuuvugut. Tamatuma saniatigut tapersersorneqartarpunga aqutsisutullu unamminartunik naammattuuigaangama tapersersorneqartarlunga misilittakkanik paarlaasseqatigiinnikkut aamma uanga nammineq pisortannik isumasioqatigiinnikkut.

Isumagissaarluarluni
Uagut immikkoortortaqarfitsinni immitsinnut nuannersumik isumagissaartumik tamatigut pisarpugut. Ajornartorsiutit annertugaluaraangata tamakku annikillisarput pitsaasumik isummerluni aaqqinniaraanni. Immitsinnut ilisarisimalluartuuvugut, taamaattumillu aammattaaq uagut assigiinngissuteqarnitsinnut inissaqarluni.

Ilinnut qinnuteqartuusumut siunnersuutitsialak
Takutiguk allanngortitsisoqarnissaanut piareersimanerit, akisussaassuseqarnermik ilisimaarinninnerit aamma isumagissaartuunerit. Pitsaassutsitit takutikkukkit tamakkuninngalu pingaartitsisuuguit, taava Nukissiorfinnut tulluarluinnartuuvutit.