Innaallagissiorfinnut suleqatigiinni aqutsisoq

“Atorfeqarpunga uanga nammineq aalajangiiffigisinnaasannik misileraanissamullu periarfissaqarfigisannik.”

Gert Schmidt Nielsen

Gert grlsk

Attuumassuteqarfigilluakkat inuttullu ineriartorneq
Qaqortumi inaallagissamik nioqqutissiornermi sulisunut aqutsisuuvunga. Suleqatikkalu Qaqortumi nunaqarfiinilu ingerlatsinermik kabelinullu aqqutit aserfallatsaalineqartarnissaat qulakkeertarpagut. Akisussaaffeqarfigisara attuumassuteqarfigisakkalu annertuujupput. Suliassaqarfiusunut ingerlasarpunga allaffissornikkullu suliassanik suliaqartarlunga. Tamatuma aammattaaq kinguneraa ullup suliffiusup ingerlanerani amerlasoorpassuarnik misileraasarnissamut periarfissaqartarnera. Tamatuma saniatigut aammattaaq immikkoortortaqarfimmi sulisut qaninnerpaatut aqutsisoraannga, tamannalu uanga soqutiginartutut inuttullu ineriartornartutut isigaara.

Akisussaaffik aqutsinerlu
Nukissiorfinni suliffinni pitsaanerpaat ilagaat uanga nammineq aaqqiissutissatut eqqarsaatima piviusunngortittarnissaat. Nutaanik aqqutissanik ingerlaveqarnissamut allaanerusunillu periuseqarnissamut periarfissinneqartarpugut. Tamatumunnga uanga pisortarisara pitsaasumik isumasioqatigisarpara uangalu nammineq isumaga naapertorlugu aqutsinissannut periarfissinneqartarlunga.

Kulturi nutaaq
Nukissiorfinniilerninni aammattaaq kulturimik nutaamik naapitsinertut isigaara, tamanna uannut unamminartorujussuusimavoq pissanganarlunilu. Maanimi nuna isorartoorujussuuvoq, taamaammat nutaanik eqqarsariartaaseqarneq amerlasuutigut aamma ulluinnarni inuunermut nalinginnaasuulluni. Uagut sungiusimasatsinnit kulturimi allaanerusumi sulineq ajornarsinnaagaluartoq isumaqarpunga tulluarilersimallugu.

Ilinnut qinnuteqartumut siunnersuutitsialak
Aaqqissuussillaqqinnermut suleriaatsinillu ineriartortitsinermut pikkorissuseqarnerit takutikkukku ilinnut tamanna pitsaaqutaaginnassaaq.