TNI-mi praktikkertoq

”Iluanaartutut misigivunga Nukissiorfiit sulillunga sungiusarfittaarisimagakku.” 

- Marianne Søholm

Allaffimmiutut ilinniartoq

MarianneSøholmGRL

Immikkoortortaqarfinni assigiinngitsuniittarneq

Immikkoortortaqarfinni assigiinngitsuni misilittaaneq suliatigut ilikkagaqarfigaara, suleqatillu assigiinngitsunik piginnaasamikkut tunioraanerat pissarsiaqaatigisaqaara.

Maannamut akiligassiisarfik, bogholderi kiisalu atuisunik sullissivik misilittagaqarfigilereerpakka. Sungiusarluni sulineq pissarsiaqarfigissagaanni tunniusimanissaq, inussiarnersuunissaq, ammasuunissaq suliassanullu soqutiginninnissaq pingaaruteqartutut isigaakka.

 

Nukissiorfimmi ilinniartuunermi inuttut pissarsiat

Suleqatit qanilaartuupput qiimasuullutillu, nalorsarfimmilu ikiuukkumatuujullutik.

Aqutsisullu sutigut tamatigut tapersersuiniartuupput, taamaalilluni sulineq toqqissisimanartuulluni.

Aammali suliinnarata sulisut peqatigiiffianiit aaqqissuussinerni peqataasinnaanermut periarfissaqartarmat iluartaqaaq, suliat qimalaarlugit suleqatit ataatsimooqatigisinnaallugit.

Minnerunngitsumillu nammineq inuttut ammanerulernissamut aqqutissiuunneqarneq imminullu tatiginerulerneq tamaani ilinniartuulluni pissarsiassaapput.

Ilinniartutut sulilluni pissarsiat assigiinngeqaat, suliatigut ilikkagaqarluarnartuulluni siunissamullu sakkussanik atorluarsinnaasunik pissarsiaqarfiulluarluni.

 

Nukissiorfimmi sulilluni sungiusarfissarsiornissamut siunnersuutissatsialak

Ilinniartussarsiorluni allagarsiussat eqqummaariffigigaanni ilinniartussarsiortoqartarpoq aammali nammineerluni soqutigisat/ilinniarusutat aallaavigalugit qinnuteqarsinnaaneq siunnersuutigisinnaavara.