Qallunaatut pikkorissarneq

”Uanga pikkorissarnermut peqataasimanerma oqaatsinik pisinnaasakka pitsanngortippai aamma inuttut ineriartorfigaara”

Tom Therkelsen

Tom grlsk

Ulluinnarni pingaaruteqarpoq
Uanga qallunaat oqaasii pikkorissarfigaakka. Sisimiuni pikkorissarpunga tassani qallunaatut oqaasilerineq ingerlapparput aamma oqaatsit qanoq atorneqartarnerat. Qallunaat oqaasii Nukissiorfinni ulluinnarni uannut pingaaruteqarsimapput. Uanga eqqiaasutut / sulisartutut sulivunga ullullu tamaasa inuit assigiinngitsorpassuit attaveqarfigisarpakka.  Taamaattumik pikkorissarnissamut neqerooruteqarneq qujaruppara peqqissimissutiginngilaralu.

Imminut tatiginerulerneq
Uanga misigisimavunga pikkorissarneq assut pissarsiaqaatigisimallugu. Taamaalilluni ulluinnarni oqinnerulerpoq aamma uanga suleqatimalu akunnitsinni pissutsinut assut sunniuteqarpoq. Uanga ullumikkut oqaloqatigiinnernut peqataasinnaanerulerpunga aamma inunnut saaffiginnittarlunga. Tunuarsimaarpallaarunnaarpunga aamma oqaatigerusutakka ajornannginnerulerput.

Paasinninnerulerneq
Pikkorissarnerup kingorna misigivunga oqaatsip amerlanerpassuit paasisinnaallugit aamma oqaatsit paasinniffiginerulerpakka. Uanga suleqatima amerlasuut aamma aqutsisut nersualaarpaannga taamak pilertortigisumik pitsanngoriaateqarsimagama, taamaattumik pikkorissarsimaneq assut nuannaarutigaara.