Innaallagissamik tunisassiorneq

Nukissiorfiit erngup nukinganik nukissiorfinni, innaallagissiorfinni dieselitortuni, maannalu suli annikitsumik, seqineq anorilu atorlugit innaallagissamik tunisassiortarput. Assip takutippaa sumiiffinni sorlerni tunisassioriaaseq sorleq atorneqarnersoq. Nukissiorfiit ukiumut sarfaq 340 GWh nioqqutissiarisarpaat.

Erngup nukinganik nukissiorfiit

Erngup nukinganik nukissiorfinni tasinngortaq imermik imalik qutsissumi inissisimasarput, nukiliorfillu atsinnerusumi inissisimalluni. Erngup kuunnera ammut takineruppat, innaallagiaq anneq pilersinneqarsinnaavoq. Erngup kuunnerata turbinit ingerlatittarpai, generatorit innaallagissamik pilersuisinnaalersillugit.

 

Uani paasisaqarnerugit. 

Innaallagissamik pilersuiviit erngullu nukinganik nukissiorfiit

Illoqarfinnut nunaqarfinnullu amerlanernut innaallagissamik pilersuineq, innaallagissamik pilersuivinniit dieselitortunik tunngaveqarput. Nukik oliamiittoq diselmotorip iluani kaavisinneqarnermini allanngortarpoq, motorilu generatorimut atassuserneqarsimasarpoq, taassumalu kaavinnerani innaallagiaq pilersinneqartarluni.

 

Innaallagissamik pilersuiviit oliap nukinga atorluarneq ajorpaat. Nukiup 40 %-ia taamaallaat innaallagissatut atorneqartarpoq. Erngulli nukinganik nukissiorfiit pisarnerattut, kiassarneq dieselmotorip pilersitaa atorneqanngitsoq, inissianut imermullu kissatsitsisutut atussagaluaraanni oliap nukingata atornera 90 %-imut qaqissagaluarpoq.