Pas nr. 080.35.022 Muunup Aqq. sinerlugu ruujorinik kiammik pilersuisunik taarsersuineq – Sisimiut

Nukissiorfiit sanaartortitsisutut suliassaq ataani pineqartoq tamanut ammasumik suliariumannittussarsiuuppaa.

Muunup Aqq. sinerlugu

ruujorinik kiammik pilersuisunik

taarsersuineq

Pas nr. 080.35.022 Sisimiut

Suliassaq:

Ruujorit kiammik pilersuisut taarsersugassat 320 meterit missaani isorartutigisukkoorput nunallu iluani matuugaallutik, taakkulu katiffinnut/milittaatinut aqqarfissiaq 3.1-imiit (majuartarfiit Nuunnguamiik Muunup Aqq. naanerisa nalaaniit) quersuup kiassaateqarfianut UC513-mut ingerlariarlutik  kiassaateqarfianut UC514-mut KNI-ip garage-qarfianiittumut naaffeqarput.

Suliassaq ataatsimoortunngorlugu suliarinnittussarsiorneqarpoq taakkununnga ilaapput suliarinninneq, aqutsineq aamma suliassanik suliarinnittussarsiorneqartunik ataatsimoortumik ataqatigiissaarineq aammattaaq suliffiutillit (entreprenørit) suliaqartitariunnakkat akiliisussatut pisussaaneq.

Suliassaq imaattunik ilaqarpoq:

Nunamik assaaneq, qaartiterineq, assariikkamik immiineq, narlugissaaneq nunagissaanerlu.

Ruujorinik kiammik pilersuisunik taarsersuineq attaviliinerit pingasuusut ilanngullugit, kiisalu utaqqiisaagallartumik kiammik pilersuigallartussanik pilersitsineq, ataavartumik attaviliinissap aammalu ruujorit  atortulersuutillu atorunnaakkat piiarneqarnissaasa tungaannut.

Meldetrådssystemimik pilersitsinissaq, meldecenter-issaq quersuup kiassaateqarfiani UC 513-mi inissinneqassaaq.

Ruujorit nunap iluani ingerlaarfiata annersaa illoqarfiup pingaarnertut aqquserna tukimut atuarlugu inissisimavoq kiisalu aamma umiarsualiviup container-ersorfiusup isaariaata nalaa atuarlugu ingerlaartussaammat pisariaqarpoq immikkut angallattunut aammalu pisuinnarnut akornusiinngitsumik aaqqiinissaq.

Sulinermi pingaaruteqarpoq suliarinnilluarnermik takussutissiineq aammalu Sullivinnik Nakkutilliisoqarfik-up isumannaassusermik peqqinnermillu piumasaqaatit malinnissaat.

Neqerooruteqartoq suliassamut ilaatinneqassaguni Nukissiorfiit atsiortittagaat ilumoorluinnartumik nalunaarut atsiorsinnaasariaqarpaa kiisalu aamma akileraaruseriffimmit uppernarsartissavaa, suliffeqarfik neqerooruteqartoq kiisalu sanaartukkap ilaanik suleqataasut akiligassaareersunik akiitsoqanngitsut.

Suliassaq aallartinneqarsinnaavoq Juuni 2019 qeqqani, naammassineqareersimassallunilu september 2019-mi. Suliarinnittussarsiornermi akigititaq suliap piffiup nunamik assaaffiussinnaanerup nalaani naammassineqartussatut naatsersuutigineqassaq, sanaartortitisullu aalajangissavaa suliassamut akikinnerpaamik neqeroortoq toqqarneqassasoq.

Ulloq:

Pingasunngorneq, maajip 25-iat 2019

Suliariumannittussarsiuussineq:

Marssip 14-iat 2019, nal. 14.00.

Tamanut ammasumik suliarinnittussarsiuussineq

Sumi:

Rambøll Grønland A/S

Glahnip aqq. 15, 1. Sal

3911 Sisimiut

neqerooruteqartut peqataarusussinnaasut peqataallutik.

Neqerooruteqarnissamut atortussat inniminnerneqarsinnaapput

Januarip 30-iat 2019

Uani:

Rambøll Grønland A/S

Mail: lg.ll1555492317obmar1555492317@tspm1555492317ar1555492317

Neqerooruteqarnissamut atortussat elektroniskiusumik nassiunneqassapput.

Sanaartortitsisoq imminut piginnaatippoq neqeroorutit tiguneqartut akornanni arlaannaannilluunniit toqqaannginnissaminut.

Suliassap tunniunneqarnissaanut toqqaanermut tunngaviusussat

»appasinnerpaamut akeqartitsisumut«.