Qujanaq Nukissiorfinni atuisuusimagavit

Qilanaaraarput siunissami innaallagiamik, imermik kiassarnermillu pilersoqqilernissarnut.

Akiligassat inaarnerat
Nukissiorfiit-mi innaallagissamik, imermut kiassarnermullu atuinerit ingerlaavartumik akilertarpatit.
Atuisuuffigisimasannut tamanut immikkut akiligassamik inaarutaasumik tigusaqassaatit.
Inaarutaasumik akiligassaq atuisuujunnaarlutit nalunaaruteqareernerpit kingorna qaammat ataaseq qaangiuppat tigusaqassaatit.
Tamanna imatut paasineqassaaq assersuutigalugu januaarimi atuisuujunnaarlutit nalunaaruit atuinerit akiligassanngorlugu februaarimi suliarineqassaaq marsi qaammat akilerneqartussanngorlugu.

PBS-ikkut akiliisarpit?
Nukissiorfiit-mut akiligassat PBS aqqutigalugu akilertarukkit arlaannik iliuuseqassanngilatit.
PBS-imik isumaqatigiissut unitsinneqassaaq akiligassat kingulliit akilerneqareerpata.

Sullissivik
Nukissiorfiit-mi ullumikkut periarfissaqarputit akeqanngitsumik atuisutut atuisuujunnaarnermulluunniit  nalunaaruteqassallutit Sullissivik.gl aqqutigalugu. Piumasaqaatituaavoq NEM-ID-mik peqarnissat.
NEM-ID-mik peqanngikkuit ikorneqarnissarnut Sullissivik (illit kommune-ni innuttaasunut sullissivik) imaluunniit illit aningaaseriviit attaveqarfigisinnaavatit.

Kiffartuussineq
Saaffiginnittarfik illit apeqqutinnut akissuteqartartussatut atuuppoq, isumagissavaallu illit Nukissiorfiit-mi atuisutut naammagisimarinninnissat iluarisimaarinninnissallu anguniassallugu.
Apeqqutissaqassagaluaruit nangaassuteqarnak uagut mail-litsinnut allassinnaavutit: kundeservice@nukissiorfiit.gl imaluunniit oqarasuaatsitinnut akeqanngitsumut 801150-mut sianerlutit saaffiginnissinnaavutit.

Kiffartuussivik ammasarpoq ataasinngornermiit tallimanngorneq ilanngullugu nal. 10:00 – 15:00.
Sisamanngornikkut nal. 18:00-p tungaanut ammasarpugut.
Eqqaamallugu illit atuisutut Imaluunniit inuunermut normut saaffiginninninni piareersimatissallugu. Taamaaliornikkut pilertornerusumik qularnaatsumillu sullinneqarnissat qulakkiissavarput.

Inussiarnersumik inuulluaqqusilluta
Nukissiorfiit