Nukissiorfinnut atuisunngorninnut tikilluarit

Qilanaarpugut nioqqutissaatitta arlaannik arlalinnilluunniit pilersuinissatsinnut.
Apeqqutissaqaruit siunnersorneqarnissalluunniit kissaatigigukku innaallagiamut, imermut kiassarnermullut tunngasunik saaffigiuaannarsinnaavatsigut 801150-kut.

Ilisimasariaqagaq
Nukissiorfiit-mi atuinerit ingerlaavartumik akilertassavat.
Tamanna imatut paasisariaqarpoq assersuutigalugu januaarimi atuinerit pillugu akiligassaq februaarimi tigussagit taannalu akilerneqassaaq marsip aallaqqaataani.
Pisartagarisarnut assigiinngitsunut akiligassat ataasiakkaarlugit pisassavatit.

PBS-mut ilannguppit?
Nukissiorfiit-mut akiligassat PBS-mut ilanngunnissaat toqqaraanni pitsaasuuvoq isumatusaarnerullunilu.
Taamaalillutit qulakkiissavat akiligassavit piffissaq eqqorlugu akilertarnissaat.
Erseqqissaatigissavarpulli PBS-mut nalunaaraanni sivisulaarsinnaammat, imaassinnaasoq qaammammi siullermi atuinerit PBS-kut ilanngaanneqanngitsoorsinnaasoq.

Taamaattumik inussiarnersumik qinnuigissavatsigit illit aningaaserivimmi konto-t misissulaartaqqullugu Nukissiorfiit-mut akiligassavit siulliup PBS-kut isumagineqarsimanersoq takuniarlugu. Tamannalu pisimanngippat nangaassuteqarnak kiffartuussivitsinnut akeqanngitsumut 801150-mut sianerlutit saaffiginnissinnaavutit akiliinissarnut atatillugu ikiorneqarniassagavit.
Tamanna taamaallaat qaammammut siullermut tunngavoq. Tamatuma kingorna PBS-kut akiliutit qaammatit tamaasa pisalissapput ulloq akiliiffissaq eqqorlugu.

Sullissivik
Nukissiorfiit-mi ullumikkut periarfissaqarputit akeqanngitsumik atuisutut atuisuujunnaarnermulluunniit nalunaaruteqassallutit Sullissivik.gl aqqutigalugu. Piumasaqaatituaavoq illit NEM-ID-mik peqarnissat.
NEM-ID-mik peqanngikkuit ikiorneqarnissannut Sullissivik (illit kommune-ni innuttaasunut sullissivik) imaluunniit illit aningaaseriviit attaveqarfigisinnaavatit

Atuinerit malinnaavigiuk
Nittartakkatsinni atuinerit malinnaavigisinnaavat.
Innaallagissamut atuinerit akunnerit tamaasa nutarterneqartarput. Imermut kiassarnermullu atuinerit qaammammut marloriarlutik nutarterneqartarlutik.
Illit nammineq atuisutut normut atuinnassavat uuttuummullu normut atorlugu isissaatit.

Kiffartuussineq
Saaffiginnittarfik illit apeqqutinnut akissuteqartartussatut atuuppoq, isumagissavaallu illit Nukissiorfiit-mi atuisutut naammagisimaarinninnissat iluarisimaarinninnissallu anguniassallugu.
Apeqqutissaqassagaluaruit nangaassuteqarnak uagut mail-litsinnut allassinnaavutit: Kundeservice@nukissiorfiit.gl imaluunniit oqarasuaatsitinnut akeqanngitsumut 801150-mut sianerlutit saaffiginnissinnaavutit.

Kiffartuussivik ammasarpoq ataasinngornermiit tallimanngorneq ilanngullugu nal. 10:00 – 15:00. Sisamanngornikkut nal. 18:00-p tungaanut ammasarpugut.
Eqqaamallugu illit atuisutut imaluunniit inuunermut normut saaffiginninninni piareersimatissallugu. Taamaaliornikkut pilertornerusumik qularnaatsumillu sullinneqarnissat qulakkiissavarput.

Inussiarnersumik inuulluaqqusilluta
Nukissiorfiit