Innaallagiaq matuneqarsimava?

Nukissiorfiit atuisunut aappassaanik nukingisaarummik pisimagaluarlutik akiliisimanngitsunut qamitsisarput.

Akiliinngitsoorsimanera pissutigalugu pilersorneqarnera matuneqarsimappat qanoq iliussaanga? Akiligassatit akilersimanngisatit tamaasa piaarnerpaamik akilissavatit. Akiligassat akilersimagukku akiliutivit allagartaa sullissivitsinnut nassiutissavat uunga kundeservice@nukissiorfiit.gl. Taava sullissivitta akiliutivit allagartaata tigusimaneranik nalunaarfigissavaatit. Sullissivimmit allagartap tigusimaneranik nalunaarfigineqareeruit illit uuttuutivit uagut atortuutitsinni ammaqqinnerannik tamanna kinguneqassaaq. Aammattaaq akiliutivit allagartaa sullissivimmut faxikkut nassiussinnaavat fax nr. 349600-imut. Automatiskiusumik ammaaqqinneq pisarpoq sivisulaartumillu tamanna pisinnaasarluni. Pilersorneqaqqileruit ilitsersuut uani malissavat.
Ullumi pilersorneqarnera Nukissiorfiit matuaat akiligassaq akilersimannginnakku. Akileqqammerpara, taava qaqugu pilersorneqaqqilissaanga? Akiliutivit allagartaa sullissivitsinnut nassiutereerukku tiguneqarneralu nalunaarutigineqareerpat illit uuttuutitit uagut atortuutitsinni ammaqqinneqaqqittussanngortinneqassapput. Nukissiorfiit atortui pilersuinermik automatiskiusumik matusisarput ammaasarlutillu. Atortuutitta pilersuinermik matusinertik naammassigaangassuk ingerlaannartumik sullitanut akiligassaqarsimagaluarlutik akiliisimasunut atortut pilersuinermik ammaasseqqittarput. Nalunaaquttap akunneri marlussuit ingerlasinnaasarput taamatut ingerlatseriaatsit taakku ingerlanerannut, taamaattumik piffissap tamatuma iluani pilersuineq matoqqasarluni. Pilersorneqaqqileruit ilitsersuut uani malissavat.
Sapaatit akunnerisa naaneranni pilersuinermik matusisarpisi ammaasarlusilu? Sapaatit akunnerisa naaneranni Nukissiorfiit pisisartut akiligassallit pilersorneqarnerannik matusisanngillat. Nukissiorfiit aammattaaq sapaatit akunnerisa naaneranni pilersuinermik ammaasseqqittanngillat. Taamaattorli sapaatit akunnerata naanersioriartunnginnermi pisisartunut tamanut kingusinnerpaamik tallimanngornermi nal. 15:00 akiliisimanermut allagartamik takutitsisinnaasunut Nukissiorfiit innaallagissamik ammaasseqqittarput.
Piffissaq sivisooq ingerlareerpoq sulili pilersorneqaqqilinngilanga, taava qanoq iliussaanga?  Nukissiorfiit pilersueqqilertarput ullormi tassani akiliisimanermut allagartamik tigusisimagaangamik. Akiliisimanermut allagartamik illit tunniussisimaninniit nalunaaquttap akunneri arlaqartut ingerlasinnaasarput pilersorneqaqqilernissavit tungaanut. Aqaguani suli pilersorneqaqqilersimassanngikkaluaruit sullissivitsinnut attaveqaqquatsigit uunga 80 11 50-imut sianerlutit imaluunniit mailikkut saaffiginninnikkut uunga kundeservice@nukissiorfiit.gl.
  Innaallagissamik pilersorneqarnikkut ajornartorsiuteqarpit? Taava UNA toorlugu paasisaqarnerugit…