Uuttortaatit (målerit) naatsorsuinerlu

Qaqugukkut uuttortaatit naatsorsorneqartarpat?

Assersuutigalugu januarimi atuinerit (1. januari – 31. januari) inaarlugu februaarip aallartinnerani naatsorsorneqassaaq. Qaammatip qiteqqunnerani akiligassaq piariissaaq. Taava januaarimi akiligassaq allakkatigut, e-mailikkut imaluunniit Betalingsservicekkut nassiunneqassaaq kingusinnerpaamik illit februaarip naanerani tigusimassallugu. Januaarimi atuinermut akiligassaq marsip aallartinnerani akilerneqareersimassaaq.

Ungasianiit naatsorsuineq suua?

Nukissiorfiit ungasianiit naatsorsuisinnaapput, atuinerit internetikkut takusinnaagamikku. Uuttortaat ullut tamaasa Nukissiorfinnut atuinerminik nassiussuisarpoq, taamaalillutit illit nammineq nassiussuisariaqanngilatit.

Soormiuna marlunnik innaallagissamut uuttuuteqartunga?

Taakku pigisimagukkit, innaallagissamik atuinermut nalinginnaasumut kiisalu ungasianiit kiassarnermut uuttuuteqarsimassaatit. Nalorniguit Nukissiorfiit atuisunut sullissivia saaffigiuk.

Sooruna atuisunngornermi atuiunnaarnermilu akiliisartugut?

Sulisugut atuilersitsinermut atuiunnaarsitsinermullu piffissarujussuaq atortarpaat. NemID-qaruilli nammineq www.sullissivik.gl aqqutigalugu akeqanngitsumik taakku isumagisinnaavatit.

Soormiuna uttuutit aamma akitsuuteqartut?

Akitsuut taanna angerlarsimaffinni ataatsimik arlalinnilluunniit uuttuutaateqaruit akilissavat. Uuttuutit innaallagissamik, imermik kiassarnermillu atuinerit ungasianiit takuneqarsinnaanngorlugu naatsorsortarpaa.