Uummannaq

Uummannami imeq imerneqarsinnaasoq sumiiffimmi annertunerusumi akuerineqarpoq

Nukissiorfiit nalunaarutigisinnaanngorpaat Nakkutilliisutut oqartussat maanna nalunaarutigimmassuk erngup aqqutaani sumiiffimmi allami imeq imerneqarsinnaasutut akuersissutigineqartoq. Tamatumani pineqarpoq illoqarfiup kangimut immikkoortuaniittoq. Sumiiffiit akuerineqartut nunap assingani matuma ataaniittumik qorsummik nalunaaqutserneqarput.

Innuttaasut suli annertunerusunik paasissutissanik pisariaqartitsisut nangaassuteqaratik Uummannami Nukissiorfinnut saaffiginnissinnaapput.

Nukissiorfiit ullut tamaasa imermik isigalugu – akuutissaqarneranillu kemiskiusumik misissugassamik qalusisassaaq erngup uuliamik akoqarnera nalilersorniarlugu. Misissugassat taakkua illoqarfimmi assigiinngitsorpassuarni qaluneqartassapput, imeqarfimmi taamatullu sullittakkani.

Nakkutilliinermik oqartussaasut ingerlaavartumik nalilersuisassapput, isigalugu – akuutissaqarneranillu kemiskiusumik misissukkat tunngavigalugu imeq akuerineqarsinnaanersoq. Tamatumani misissuinerit tulleriaartut uuliap akuusup literimut 9µg-mit1) appasinneruneranik takutitsinissaat piumasaqaataavoq. 1) 9 mikrogram µg, (gr. mikro- + gram), annertussutsimut uuttuut (oqimaassuseq) (1 µg = 1 gramip millioneriaataa).

Nakkutilliinermik oqartussaasut atuisinnaanermik killilersuutertik allanngortippassuk, tamanna quppernermi matumani takuneqarsinnaavoq.

Uummannami imermik isigalugu – akuutissaqarneranillu kemiskiusumik misissuinerit inernerat matuma ataani takuneqarsinnaapput: