Pilersorneqarnerit akornuteqarpat makku misissukkit

Akiligassatit akilerpigit?

Sarfaqanngikkuit imaassinnaavoq Nukissiorfiit sarfaq qamissimagaat akiligassat akilersimanngikkukku. Tamannali pisinnaanngilaq siumut ilimasaaruteqareersimanngikkaanni. Tamanna annertunerusumik uani atuaruk.

Najukkap nalaani ingerlatsinermik akornutit

Sanilerisavit pilersorneqarnerat aammattaaq matoqqappat tamanna pilersaarutaasumik imaluunniit pilersaarutaanngitsumik tamaani ingerlatsinermik akornutinik patsiseqarsinnaavoq. Nukissiorfiit ingerlatsinermik akornuteqartoqarneranik nittartakkaminni ilisimatitsissapput. Tamanna pillugu annertunerusumik uani atuaruk.

Ikkussorneqarsimasut misissukkit

Sanilitit innaallagiaqarlutillu imeqarlutillu kiassarneqarpata isumassarsiatsialaavoq illit pilersorneqarninni atortut ikkussorneqarsimasuutitit misissorukkit. Soorlu assersuutigalugu HFI- imaluunniit HPFI-relæmi qamitsissut qamissimanersoq, sikringit qaarsimappat? Sikringit aamma relæ innaallagissamut uuttuutip eqqaaniikkajuttarput.

Relæ aamma sikringit ajunngippata, taava innaallagisserisoq saaffigiuk.

Ungasianit kiassarneq ajoquteqarpat, sanilivillu kiassaataat ajornatik ruujorilerisumut vvs-installatørimut saaffiginnigit.

Imermik pilersorneqanngikkuit sanilitillu imeqarlutik, atortuutitit misissukkit, aamma qerinaveersaat ikumanersoq misissoruk. Tamanna HFI- aamma HPFI-relæmi misissussavat.

Sikringit imatut misissussavatit

Ineqarfimmi init ilaanni innaallagiaqanngippat taava uku tulliuttut misissukkit:

Sikringit:

  • Sikringit tamarmik isuanni ”sapangaarannguaq” ippoq. Katassimappat/qasungappat, taava sikringi qaarsimassaaq.
  • Taamaattoqarsimappat siulliullugu tamanut qamittaat qamiguk, tulliullugu inimi sarfaqanngitsumi innaallagissamut qamittaatit aamma ikkuffiit tamaasa qamillugit.
  • Sikringi tamanut qamittaammiittoq taarseruk ikillugulu.
  • Taava ininiittut ikittaatit ataasiakkaarlugit ikitikkit. Ikittaatit ikinneranni sikringi qaarpat, taavaa sarfaqarunnaarninnut patsisaasoq paasissavat. Soorlu assersuutigalugu qulleq aserorsimasoq imaluunniit innaallagissamut ikkuttartut atortut arlaat ajoquteqartoq. Aammattaaq patsisaasinnaavoq atortut innaallagiatortut sarfatornikkaat sikringinut ataatsimoorlutik ikkusimanerat.

Automatsikringit:

  • Inini qaminngasuni innaallagissamut qamittaatit aamma ikkuffiit iikkamiittut  tamaasa qamikkit.
  • Automatsikringi ikiguk
  • Inini ikittaatit ataasiakkaarlugit ikikkit. Ikittaatip ikinnerani sikringi qaaqqippat sarfaarunninnut ajoqutaasoq paasissavat. Soorlu assersuutigalugu imaassinnaavoq qulleq imaluunniit atortut innaallagiartortut arlaat ajoquteqarsimasoq.

Illumi tamarmi sarfaqanngippat tulliuttut uku misissukkit:

  • Gruppetavlimiippoq HFI-/HPFI-mik qamittaat. Taanna ilaanni nammineq qamittarpoq, sikringimik qaartoqanngikkaluartoq.
  • Taanna qaminngappat ikiguk.
  • Ikikkumanngippat taava tavlemiittut gruppeafbryderit tamaasa qamikkit
  • HFI-/HPFI-mik qamittaat ikiguk aamma gruppeafbryderit ataasiakkaarlugit ikillugit.
  • HFI-/HPFI-mik qamittaat qamippat, taava gruppeni ajoqutaasut paasissavatit.
  • Kingornatigut qulaani nassuiarneqartut uteqqikkit.
  • Ajoqut sarfaarutsitsisoq sumiinnersoq paasisinnaanngikkukku, el-installatørimut saaffiginnigit.

Una pappialanngoriarlugu sikringeqarfimmut nivinngaruk, ajortoqassagaluarpat takoriaannanngorlugu. Tamanna sioqqullugu qanoq iliornissannut malittarisassat annertunerusumik uani atuarsinnaavatit.