Akigititat
Nukissiorfiit innaallagissamut, imermut kiassarnermullu akigititaat Naalakkersuisunit aalajangerneqarput. Akigitinneqartut atuisunut ataasiakkaanut assigiipput nunami maani sumilluunniit najugaqaraluaruit. Nunaqarfimmiikkaanni nukissiorfimmit dieselitortumit innaallagialersorluni, imaluunniit illoqarfimmiikkaanni erngup nukinganik innaallagialersorneqarluni, akit assigiilerput. Taamatuttaaq imeq kubikmeterimut assigiimmik akeqarpoq tassani apeqqutaatinneqanngilaq imeq privatinut toqqaannartumik nioqqutigineqarnera, imertartarfikkut nioqqutigineqarnera imaluunniit imermik pajutaatit iluaqutigalugit imeqartinneqaraanni, taamaattorli imermik pajutsittaraanni tamanna akitsuutitaqarpoq.
Nukissiorfiit massakkorpiaq akigititaat imaapput:
| Tunisassiaq | Akia |
| Innaallagiaq | 1,65 kr./kWh |
| Imeq | 20 kr./m3 |
| Kiassarneq | 740 kr./MWh |
| Kiassarneq qamittagaq | 680 kr./MWh |
| Ataavartumik tunngaveqartumik nukissiamut akiliisarnermut akigitinneqartut (illoqarfinni imermit nukissiorfeqanngitsuni) | 0,74 kr./kWh |
Nukissiorfiit akigititai maannakkut atuuttut annertunerusumik atuarsinnaavatit Nukissiorfiit akigitinneqartunut allattorsimaffianni nr. 35-mi, aggustip aallaqqaataani 2019-imi atuutilersuni. Akinut takussutissiaq nr 36 1 januari 2020-imiit atuutilersut
Imermik pajuttuinermut akigitinneqartumut apeqqutaavoq sumi najugaqartuuneq. Ukiumut naatsorsorneqartarpoq imermik pajuttuinermut najukkami aningaasartuutit naapertorlugit. Imermik pajuttuinermut akigitinneqartunut takussutissiaq uani takuneqarsinnaavoq.Imermik pajuttuinermut
Innaallagissap aamma erngup akiisa 1. aggusti 2019 aallarnerfigalugu allanngornerat pillugu tusagassiuutitigut nalunaarut atuaruk (22. juuli 2019).
Aalisakkerivinni aki immikkuullarissoq
Aalisakkeriviit imermik atuiffioqaat. Aalisakkeriviillu avammut tunisassiortut pingaarnersaraat, nunallu aningaasaqarnera pillugu inatsimmi aalajangerneqarpoq, allanut sanilliullugu aalisakkeriviit imermik atuinerat akikilliliivigineqassasoq. Aalisakkeriviit Nukissiorfiit imermik innaallagissamillu tunisassiornerata 41,5 %-ia akilertarpaa. Taamaammat nuna tamakkerlugu aalisakkeriviit innaallagissamut imermullu akiliisarneri assigiinngillat.
Aalisakkanik suliffissuarnut sumiiffinni ataasiakkaani maannakkut akigitinneqartut Nukissiorfiit akinut allattorsimaffiutaanni takusinnaavatit.
Agguaassinermut naatsorsuutit aamma nioqqutissiornermut aningaasartuutit
Nukissiorfiit ukiut tamaasa agguaassinermut naatsorsuusiortarpoq tassani sumiiffinni ataasiakkaani, Nukissiorfiit pilersuiffigisaanni, nioqqutissiornermut aningaasartuutit naatsorsorneqartarlutik. Nioqqutissiornermut aningaasartuutit takutippaat immikkoortunut ataasiakkaannut innaallagissamut, imermut aamma kiassaanermut illoqarfinni aamma nunaqarfinni ataasiakkaani nioqqutissiorneq aamma pilersuineq qanoq akeqarnersoq.
Nukissiorfiit ukiumoortumik naatsorsuutai aamma agguaassinermut naatsorsuutai uani takusinnaavatit.
