Akiligassat

Bankikkut nuussillunga akiliisinnaavunga?

Naamik. FIK kort nassiunneqartoq akiliinermi atorneqassaaq.

Qanoq ilillunga BS-imut ilanngutissuunga?

Ugguuna, imaluunniit bankinnut nalunaarlutit.
Nalunaarsorneqarneq sivisusinnaavoq, taamaammat nalunaareeraluarlutit suli nalunaarsorneqartutut allassimanngikkuit, pisarnittut akiliigit.

Akiligassakka qaqukkut akilereersimassappat?

Assersuut, januarimi atuinerit februarimi nalunaarsorneqassaaq, qaammatip qeqqani akiligassaq piariissaaq ilinnullu nassiunneqarluni, illillu februarip naanerani tigussavat. Tassa imaappoq januarimi atuinerit martsip aallartinnerani akilereersimassaaq.

Sooq akileeqqusilluni nukingisaarummit nassinneqarpunga akiligassaq uffa akilereernikuullugu?

Ajuusaarnarpoq akileereersimagaluarlutit akileeqqusissummik nassinneqaqqikkavit. Taamaattoqarsimappat tigusat kingulleq takunngitsuusaaginnassavat. Kukkunikkulli allagarseqqissimaguit naatsorsuutigissavat ullut marluk-pingasut ingerlaneranni akiliutit nalunaarsorneqarsimassasut, taamaammallu akiligassamik nassinneqartoorsimallutit.

Sarfaq qanoq innikkut qamittarpisiuk?

Illit atuinerit piffissaagallartillugu akilinngikkukku nukingisaarummik nassissavatsigit. Nukingisaaruterput qisuariarfiginngikkukku ilinni ikkussukkat matuneqarnissaat sulissutigilissavarput. Maluginiaruk, matusinermut ammaaqqinnermullu kiisalu VVS-imut qerisoornissamut isumannaallisaasoqassappat tamatumunnga aamma akiliuteqartitsisoqartarnera.

Sooruna akiligassanik nassinneqarneq ajortunga?

Nukissiorfinnut akiliiartorsinnaavunga?

Allaffitsinniit akiliisitsisinnaanngilagut, taamaammat netbank, bank allakkerivilluunniit aqqutigalugit akiliisariaqarputit.

Akiligassap allagartaa qanoq ilillunga paasissavaar?

Atuisumut ajornannginneroqqullugu akiligassami makku allassimapput: atuisutut normut, atuinerup nalunaarsorneqarnera, aki ullorlu akiliiffissaq. Uani paasisaqarnerugit.

Nukissiorfimmut akiligassamma akilersornissai periarfissaava?

Nukissiorfimmut piffissap ingerlanerani akiligassaqalersimaguit akileriaannaanagillu, Nukissiorfiup eqqartuussissutitaqanngitsumik isumaqatigiinnermik neqeroorfigisinnaavaatit.
Tassa imaappoq akiligassaq piffissami sivisunerusumi akilersorneqassasoq.
Qaammammut ullulluunniit 14-ikkaartumik akilersuinissami piumasaqaatit tassanilu akilersuinissap sivisussusaa Nukissiorfiup akiitsunik isumaginnitoqarfialu isumaqatigiissutigineqassapput.
Eqqartuussisutaqanngitsumik isumaqagitiissummik neqeroorfigitinneqarsinnaanissami akiligassaasoq 3.000 koruuni sinneqqassavaa, qaammammut akiliutaasartussat minnerpaamik 500 koruuniussapput ullulluunniit 14-ikkaartumik akilertagassat minnerpaamik 250 koruuniussallutik.
Piumasaqaataavortaarlu akiligassat takkuttartut akilersuinissamullu isumaqatigiissut ulloq akilersuiffissaq kingullermi akilereersimanissai.