Seqinermit nukissiaq

Seqernermit nukissiaq tassaavoq qinngornernit seqinermit pisunit nukissiaq. Seqerngup qinngornerinit katersuissutit (solceller) atorlugit innaallagianngortinneqarsinnaavoq kiisalu seqerngup qinngornerinit katersuissutit (solfangere) atorlugit kiassaaninngortinneqarsinnaalluni.

Nukissiorfiit seqerngup nukissiaanik atuinerat

Seqerngup qinngornerinit katersuissutit (solceller) Igalikumi atortut akuleriissitat ilaattut atorneqarpoq. Manna tikillugu atortunik misilittagaqalerneq pitsaavoq, ukiuuneranilu aammattaaq nioqqutissiorluartarpoq.

Nukissiorfiit siunissami ataavartumik tunngaveqartumik nukissiornermik suliniutimini suli qitiutinniarpaat seqerngup qinngornerinit katersuissutinik anginerusunik pilersitsineq naleqquttuussanersoq illoqarfinni imaluunniit nunaqarfinni innaallagissamik pilersuinermut tapertaasussatut.

Seqerngup qinngornerinit katersuissutit inuit namminneq pigisaat

Seqerngup qinngornerinit katersuissutinit pilersitsinissamut soqutiginninneq annertusiartorpoq – inuinnarni aammalu suliffeqarfinni.

Illit atortut pigisatit innaallagissap aqqutaannut pilersueqataassappata taava eqqaamassavat tamatuma akuersissutigineqarnissaa Nukissiorfinnut qinnuteqaatigissagakku. Seqerngup qinngornerinit katersuissutinik ikkussuiniaraanni maleruaqqusat atuuttut takukkit uani.

Ataavartumik tunngaveqartumik nukissiornermut atortut inuit namminneq pigisaat pillugit paasissutissat aamma akiliisarnermut tunngasut takukkit uani.