Akileeqqusissut

Nukissiorfinniit akiligassat pillugit apeqqutitit ataani akissutissarsikkit

Regninger 2

Betalingsservice atoruk – oqinneruvoq. Ilanngutsikkuit innaallagissamut, imermut immaqalu kiassarnermut akiligassatit qaammatit tamaasa bankimi kontonnit nammineq akilertassapput

 

Aningaaserivik aqqutigalugu nuussillunga akiliisinnaavunga?

Aap, Nukissiorfiit aningaaserivimmi paasissutissaatai tassaapput: Aningaaseriviup ilisarnaataa 6471, kontup normua 1001474. Eqqaamajuk pisisartutut normut imaluunniit inuup normua (CPR) allassagakku, taamaalilluta takusinnaavarput illit akiliutigigit.

PBS-imut qanoq ilillunga ilanngutissaanga?

Toqqaannartumik onlinemi immersugassaq immersorsinnaavat imaluunniit illit aningaaserivinnut saaffiginnissinnaavutit.Ilanngunnerup nalunaarneqarnissaata tungaanut piffissaq sivisulaarsinnaavoq. Taamaattumik akiligassaq pisarnertut akilertassavat ilanngussimanerpit nutaap Betalingsservicemi akilerneqartussaasutut takusinnaalernissaata tungaanut. Akiliinissannik sullissivimmut uani ilanngugit.

Akiligassakka qaqugu akilerneqartussanngortarpat?

Atuinerit assersuutigalugu januaarimi (1. januaari – 31. januaari) inaarutaasumik atuarneqartarpoq februaarip aallartinnerani. Akiligassaq sap. akunnerata ataatsip ingerlanerani naammassineqartarpoq, tamatuma kingorna allakkatigut nassiunneqartarpoq februaarillu naalernerani akiligassaq illit tigussavat. Taamaattumik januaarimi atuinermut akiligassaq marsip aallartinnerani akilerneqartussaasarpoq.

Akiligassannut akiliiffissamik nutaamik pisinnaavunga?

Sukkulluunniit akiligassannut akiliiffissamik nutaamik piniarsinnaavutit. Kiffartuussivimmut sianersinnaavutit imaluunniit mailersinnaavutit tlf.: 80 11 50 kundeservice@nukissiorfiit.gl.

Sapaatit akunnerat ataaseq qaangiuttoq akiliivunga, kisianni nukingisaarummik allagarsillunga?

Tamanna assut ajuusarutigaarput piffissaq eqqorlugu akiliisimaguit taamaakkaluartorli nukingisaarummik pisimallutit. Taamaattoqarsimappat nukingisaarut isumakkiiginnassavat. Kukkusumik nukingisaarummik allagarsisimaguit imaassinnaavoq ullut 2 – 3 ingerlasinnaasarmata akiliutigineqartut uagutsinni takuneqarsinnaalernissaasa tungaanut, taamaattumik ajoraluartumik pisisartut kinguaattooruteqartut akornannut ilanngussimallutit.

Innaallagiaq qanoq ilisoqarnerani qamittarpisiuk?

Akiligassiisut piffissaq eqqorlugu akilerneqanngippat imaluunniit amigarpat, taava akiliinissamut eqqaasitsissut allanneqartarpoq taanna kingusinnerpaamik ullut 14-it qaangiutsinnagit akilerneqassaaq. Ullut 14-it qaangiutereerneranni suli akiligassaqaruit taava eqqaasitsissummik matuneqarnissamut kontup assilinera akiligassavit allattorsimaffia ilanngullugu nassinneqassaatit. Taakku ullut tallimat qaangiutsinnagit akilissavatit. Akiliinissamut eqqaasitsissutip aamma matuneqarnissamut kontup assilinerata kingorna suli akiligassaqaruit, taava pilersorneqarnerit matuneqassaaq.

Sooruna akiligassannik nassinneqartanngitsunga?

Akiligassannik nassinneqartannginninnut pissutaasut arlaliusinnaapput. Kiffartuussivipput attaveqarfigiuk misissortillugulu paasiniaruk najugaqarfiit eqqortumik allanneqarsimanersoq. Akeqanngitsumik kiffartuussivimmut sianersinnaavutit tlf.: 80 11 50 imaluunniit mailersinnaavutit kundeservice@nukissiorfiit.gl.

Nukissiorfinni akiliisinnaavunga?

Allaffitsinni akiliiffiusinnaasumik karseqanngilagut. Taamaattumik akiligassaq netbank, aningaaserivik aqqutigalugit imaluunniit allakkerivikkut akilerneqassaaq.

Akiligassara qanoq paasineqassava?

Ilinnut ajornannginnerussammat akiligassat assigiimmik suliarineqartarput pisisartutut normu, atuarneqarnera, akiligassap naatsorsornera aamma ulloq akiliiffissaq. Atuaruk akiligassamut ilitsersuuterput ugguuna