Skibsmontøritut naammasseqaaq atuanngitsuunngilluinnarpoq

Qiperoq Lange Nukissiorfiit Qasigiannguani skibmontøritut ilinniartuuvoq ukiut sisamat sinnerlugit. Ullumikkut ilinniarnini naammassillugu allagartartaarpoq

Nukissiorfiit aammaalluni ilinniartoq pikkorissoq naammassitippaa. Maannakkut tassaavoq inuusuttoq Qiperoq Lange, ullumi juunip 22-anni allagartartaartoq skibsmontøritut taasinnaanngilluni. Ilinniakkani naammassilluarpaa atuarnermi nalaani atuanngitsoorneri tassaallutik nul porcent.

– Qiperoq Lange ilinniartuutigalugu nuannaarutigivarput Suliassanut tunniunneqartartunut soqutiginnippoq aamma tamatumunnga ilutigalugu alapernaatsuuvoq aamma ujartuisuulluni, Japhet Jansen Qasingiannguani teamlederi.

Skibsmontørinngortoq aamma ilorrisimaarpoq oqaluttuarporlu;
– Nukissiorfinniippunga ukiut sisamangajaat qaammatit arfineq marluk. Tassani suliffeqarfiup innaallagissamut, imermut aamma kiassaanermik pilersuinermut akisussaaffia iserfigalugu. Suliarisartakkakka pissangarsimapput, unamminarlutik aamma ilikkagaqarfiullutik. Ullut ilaanni ulapittarpugut, kisianni nuannertuaannarpoq suliassat naammassillugu tassa sullitat pisariaqartitaat naapertorlugit, Qiperoq Lange oqaluttuarpoq. Maannakkut Nukissiorfiit avataanni unaminartunik nutaanik naapitassaqalerpoq ittorisimasaatalu oqaaseqarfigilaarpaa:
– Sulisitsisortaava suleqatissaminut pikkorissumut, aalajaatsumut aamma eqiasuitsumut qilanaarsinnaavoq, soorunami uagut aamma maani sulilluarnera maqaasissavarput, Japhet Jansen oqarpoq.

Nunap Immikkoortuani Diskomi pisortap Renè E. Fleischerip nuannaarutigaa aammallutik suliaqarfimmut nukinnik nutaanik tapertaasinnaagamik. Oqarpoq;
– Ulluinnarni ilinniartoqarnitsigut suliffeqarfik pitsaasumik periarfissaqarpoq innaallagissamik, imermik aamma kiassaanermik iaamma atortunik aserfallatsaaliinermut lisimasagut siammartissinnaavagut. Sulisugut pikkorissut, tutsuiginartut aamma aalajaatsut ilinniartitsineq pikkkoriffigaat, kisianni aammattaaaq isumassarsianik nutaanik qujarussisarlutik, tassa ilinniartut sammisamut tunngasunik nutaanik tunniussigaanga aamma teknikkimik.
Rene E. Fleischerip ilannguppaa;
– Inuiaqatigiinnut akisussaaqataanerup ilaatut Nukissiorfiit soorunami eqqumaffigilluinnarpaat ilinniartoqarnissani sumiiffinni ulluinnarni ingerlatsinermi tamanna ajornanngikkaangat. Qiperoq siunissamik ajunnginnerpaamik kissaappara.