Ukiut 25-nngorlugit nalliuttorsiorneq

Maanna aammaarluni Nukissiorfimmi sulisoq aalajaatsoq nalliuttorsiutigisussanngorpaat.

Taanna tassaavoq nunaqarfimmi Nukissiorfiit immikkoortortaqarfiani nakkutilliisoq, Peter Petersen, suliffeqarfimmi ukiut 25-nngorlugit nalliuttorsiortoq.
Nalliuttorsiorneq Ukkusissani Uummannap pigisaaniittumi persuarsiornartumik ingerlanneqarpoq.

– Peter Petersen 1992-imiilli Ukkusissani Nukissiorfiit immikkoortortaqarfiani aalajaalluni nakkutilliisutut sulivoq. Nukissiorfimmiit tanngassimaarutigaarput aammaarluta nalliuttorsiorneq taama ittoq, Namminersorlutik Oqartussaniit allagartamik tunisinertalerlugu nalliuttorsiutigisinnaagatsigu, teknikkikkut pisortaq, Mogens Nielsen oqarpoq, nangillunilu:

– Siunissami suleqatigiilluarnerup ingerlateqqinnissaanut qilanaarpugut.

Ukkusissani Nukissiorfiit immikkoortortaqarfiani nalliuttorsiutigineqartup suleqatai ilaqutaalu kaffisoqatigiinnermut kaagisoqatigiinnermullu qaaqquneqarput, persuarsiornermilu tassani Peter Petersenip nalliuttorsiutigineqarnermini Nukissiorfinniit tunissutisiani tiguaa, taassumalu ilutigisaanik Namminersorlutik Oqartussaniit ukiorpassuarni aalajaalluni sulisimanerminut uppernarsaat allagartaq aamma tigullugu.

Nukissiorfiit Peter Petersen ukiuni 25-ni nalliuttorsiornerani qamannga pisumik pilluaqqullugu.

Asseq: Nukissiorfiit immikkoortortaani nakkutilliisoq Peter Petersen Nukissiorfinni ukiunit 25-nik sulisimanermini nalliuttorsiorpoq/Assiliisoq: Nukissiorfiit