Skibsmontørinngorlaaq: Inuuninni immikkoortoq nutaaq aallartissaaq

Karl Jeremiassenip Kangaatsiameersup ukioq 2018 aallarnissavaa ilinniakkaminik naammassinninnerminut atatillugu allagartaqarluni, kiisalu Nukissiorfinni sulilersussatut isumaqatigiissummik atsiorsimassalluni.

Karl Jeremiassen 48-nik ukiulik, 2013-imi januaarip aallaqqaataani ilinniartutut aallartippoq, ullumilu tallimanngornermi decembarip 29-anni ilinniakkanik naammassillugu allagartartaarpoq.

Nukissiorfiit Skibsmontørinngorlaamut tikilluaqqusinissaminnut qilanaarput.
– Maanna paasivara anguniakkanik angusaqarnissaq kingusinaanngisaannartoq. Ilinniarnermali ingerlanerani arlaleriarlunga ilinniarnera unitsingajattarpara, imminut tatiginera naammakkunnaaraangat. Ilaquttamali Nukissiorfinnilu suleqatima kaammattuiuarnerisigut anguniagara anguara. Misigissuseq nuanneqaaq, januaarillu aallaqqaataani inuuninni immikkoortoq nutaaq aallartissaaq, Karl Jeremiassen oqarpoq.

Aasianni Nunap Immikkoortuani Pisortaq, René E. Fleischer ima oqarpoq:
– Karl Jeremiassen ilinniarnini tamaat aalajaalluni sulivoq, kiisalu Nukissiorfinni sulinissaminut misilittagaqarlualersimalluni. Nukissiorfiit Karl Jeremiassenip ilinniartuutigisimanera nuannaarutigaat, aaliangersimallutillu sulisussatut neqeroorfiginiarlugu, januaarip aallaqqaataaniit 2018.

Nalunaaqutaq marlunut Karl Jeremiassenip allagartartaani tiguaa, ullorlu tamanna eqqorlugu sulilernissaminut isumaqatigiissut atsiugassaq aamma tigullugu.

Billedtekst:
Karl Jeremiassen ullumi allagartartaani tiguaa, ullorlu tamanna eqqorlugu Nukissiorfinni sulilernissaminut isumaqatigiissut atsiugassaq aamma tigullugu.
Asseq: Nukissiorfiit