Ersat aappalaartut isillu alapernaatsut

Sapaatit akunnerata naanerani inuit 60-it missaanniittut Utoqqarmiut Kangerluarsunnguanni Imermit Nukissiorfimmut takusaapput. Imermik nukissiorfimmit ammatitsinermut pissutaavoq Nunatsinni imermik nukissiorfeqarnerup ukiunik 25-inngortorsiornera pissutigalugu nalliussinermut atatillugu.

Qaaqqusat nuannaartut nammineq Nuup kujataani kangerlummut 70 kilometerit missaannik ungasissuseqartumut angalanertik isumagivaat. Tamaani kaffi, tii aamma kaagit aammattaaq meeqqanut mamakujuttut sassaalliutigineqarput. Sulisut qaqqap iluani 600 meterinik isorartutigisumiittumik nukissiorfimmik saqqummiussinissaminnut aamma takornariartitsinissaminnut piareersimapput

– Nuannerpoq Nuummi innuttaasut periarfississallugit innaallagiaq aamma kiassaaneq atugaat sumi pilersinneqarneranit takutissallugit. Qaaqqusat alapernaallutik imermit nukissiorfiup pilersinneqarnera, sumi inississimanera aamma ingerlanneqarnera pillugit apersorput. Nukissiorfimmi sulisut ukiuni amerlasuuni peqataasimapput suullu tamaasa aallaqqaataaniit oqaluttuarisinnaallugit, Joan Bloch Grube, Nukissiorfinni aqutsisut allatseqarfianni pisortaq, oqaluttuarpoq.

Ulloq 1. oktobari 2018 ukiut 25-t qaangiutissapput Utoqqarmiut Kangerluarsunnguanni Imermit Nukissiorfik atoqqaarfissiorneqarmat. Imermit nukissiorfik 1990-imiit 1993-imut sanaartorneqarpoq Nuuk Kraft-konsortiet suliarinnittoralugu, taakkua ilaatigut ilagaat Norgemiut suliffeqarfii imermik nukissiorfiliornermik suliaqartartut, Ukiut 15-it siulliit Nuuk Kraft ingerlatsinermik isumaginnittuuvoq tamatumalu kingornatigut Nukissiorfiit ingerlatsinermik ingerlatsisuulerput.

Aaqqissuussinermit assit Nukissiorfiit Facebook-imi quppernerani takuneqarsinnaapput.

Ukiuni 25-ni imermit nukissiorfeqarneq aammattaaq Nuup Katersortarfiani nalliussineqassaaq sapaat 30. septembari 2018, nal. 14 – 17. Tamanna pillugu annertunerusumik atuarit Nukissiorfiit nittartagaani nutaami  www.nukissiorfiit.gl aamma Facebookimi.