Atammik seqerngup qinngornerinik katersuinermut ilannguppoq

Seqerngup qinngornerinit katersuissut maannakkut Atammimmi innaallagissiorfiup qaavanut ikkussuunneqareerpoq. Seqerngup qinngornerinit katersuissut innaallagissiorfiup taarserneqarnissaanut atatillugu ikkussuunnerpoq. Atortoq nunaqarfimmi innaallagissamik pilersuinermut tapertaasutut atuutissaaq.

Seqerngup qinngornerinit katersuissutit ukiumut innaallagissamik 15-20 MWh-inik annertussusilimmik nioqqutissiortarnissaat ilimagineqarpoq. Tamatuma kingunerisaanik ukiumoortumik uulia 6.000 literinit 8.000 literinut annertussusilik sipaarneqarsinnaavoq.

Nukissiorfinnit misissorneqarluni aallartippoq qanoq iliorluni illoqarfinni aamma nunaqarfinni tamani Nukissiorfiit nukissiamik pilersuinerat nukissiamit ataavartumik tunngaveqartumit, soorlu imermit nukissiornermit, seqinermit aamma anorimit nukissiamit tunngaveqalersinnaanersoq. Naalakkersuisut anguniarpaat nukissiamik nioqqutissiorneq nunap iluanit ikummatissanit tunngaveqartoq nukissiornermi teknologiimit nutaamik taarserneqassasoq, kiisalu 2030 ataavartumit tunngaveqartumit nukissiorneq suni tamani periarfissaqarfiusuni atorneqalersimassasoq.

Nukissiamik imermillu pilersuinermut Immikkoortumut Pilersaarummi anguniakkat novembari 2017-imeersut uani annertunerusumik atuarsinnaavatit [link:
http://www.nukissiorfiit.gl/om-os/sektorplan-for-energi-og-vandforsyning/].