Nukissiorfinnut qinnuteqaateqartorpassuit

Inuusuttut neriuuteqarluartut Nukissiorfiit qullersaqarfiannut qinnuteqaataat takkussuuttuarput. Tamanna pivoq lærlinginut suliffissat nutaat tamanut saqqummiunneqarnerat tunngavigalugu.

Nukissiorfiit ukiuni kingullerni tallimani lærlingit 30-t missiliorlugit ilinniartissimavaat nuna tamakkerlugu suliatigut assigiinngitsutigut arlalinnut. Lærlingit suliffeqarfimmi ilinniarnerminnik naammassinnittullu lærlinginut nutaanut inissaqalertarpoq. Aasaru inuusuttunut arlalinnut sammisaqartunut ilinniarnernik takorluugaqarlutik ilinniagaqarusuttunut nutaanik inissaqalissaaq – tamannalu Nuummi qullersaqarfimmi malugineqarpoq.

Sulisoqarnermut Immikkoortortaqarfik januaarimili inuusuttunit neriuuteqarluartunit kajumissaarneqaratik qinnuteqaatinik akuttunngitsumik tigusaqartarpoq. Sapaatilli akunneri marluk matuma siornatigut suliffeqarfiup lærlinginut inissat tamanut saqqummiummagit immikkoortortaqarfimmi allakkatigut suliaqartarneq ulapaarfiunerulersimavoq, taamanili neriuuteqarluarlutik qinnuteqaateqartunit ullormut arlalinnik tigusaqartarmata.
Atorfinni tamanut saqqummiunneqartuni lærlingit nutaat fagini makkunani pineqarput: Innaallagialerisut, skibsmontørit, TNI- aamma AU-ni.

Soqutiginnittut paasissutissanik amerlanerusunik uani pissarsisinnaapput: www.nukissiorfiit.gl/ledigestillinger.

PAASISSUTISSAT:
Ukiuni kingullerni tallimani ilinniarsimapput:
2012: lærlingit 7
2013: lærlingit 4
2014: lærlingit 5
2015: lærlingit 4
2016: lærlingit 8