Takorluukkat, anguniakkat naleqartitallu

Nukissiorfiit suliffeqarfiupput sukkasuumik ineriartortut, ulluinarnilu soqutiginartorpassuarnik unammilligassaqarpugut. Inuiaqatigiit avatitsinniittut uagutsinnut siunisamullu piumasaqaateqarput ilimasuuteqarlutillu. Taakku malissinnaajumallugit takulluukkatta, anguniakkatta naleqartitattalu ulluinnarni isiginiartarnissaat pingaaruteqarpoq.

Takorluugaq:

Nunarput imermik aamma nukissiamik pilersorniarparput ikummatissanik nunap iluanit pisunik atuinata.

Oqariartuut:

Nukissiorfiit inuaqatigiinnik tamanik imermik imerneqartussamik minguitsumik, inaallagissamik aamma kiassaanermik pilersuisuuvoq; niuernermut aamma aningaasaqarnermut tunngatillugu illersorneqarsinnaasumik inuiaqatigiit tamarmiusut ineriartornissaanut iluaqutaasumik. Nioqqutissiorneq aalajaatsuussaaq, pitsaasuussaaq   sunilu tamani taamaaliorsinnaatilluta nukissiuutinik piujuartunik tunngaveqassalluni.

Naleqartitat:

Naleqartitat pingaaruteqartut uagut qanoq ileqqulersornitsinnut aalajangiisuussapput.

Isumannaallisaaneq

 

Isumannaallisaaneq aamma iluarisimaarinninneq tamatigut eqqarsaatitsinnut ilaapput. Pilersaarusiortarpugut aamma pinaveersaartitsivugut ajoqusertoqannginnissaa pillugu. Inuk aningaasaqarnermit aamma atortunit tamatigut salliutinneqartuuvoq.

Suleqatigiinneq

 

Sumi inissisimaneq apeqqutaatinnagu suleqatigiippugut piginnaanertussutigullu atorlugit. Ilisimatitseqatigiittarpugut aamma peqataatitsisarluta. Assigiinngissutigut ataqqivagut aamma suliffeqarfiup pitsaasup pilersinnissaa tamatta peqataaffigaarput.

Ujartuilluni siuttuuneq

 

Periarfissat aamma teknologiit nutaat misissortarpagut aamma issittumi avatangiisini atorneqarnissaat pingaartillugu. Ilisimasat aamma misilittakkat nunani tamalaani immikkut ilisimasalinnit aamma isumasioqatigiittarfinnit pissarsiarisarpagut. Isumassarsianik aamma iluarsiissutissanik ilisimaneqareersunut aamma siunissami unamminartunut nassaartarpugut. Siunissami attaveqaasersuutissat pilersaarusiorpagut aamma ineriartortippagut.

Pikkorissuseqarneq

 

Suliatigut sammisagut aamma isumalluutigut nalunngilagut aamma iluarsiinissamut periarfissat arlallit misissoqqissaartarpagut. Uagutsinnik soqutiginnittunut mianerinnippugut aamma isumaqatigiissutigut eqquutsittarpagut.

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542148246ifroi1542148246ssiku1542148246n@eci1542148246vrese1542148246dnuk1542148246.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.