Tuniniaanermut Siunnersorti Nuummi qullersaqarfimmut

Ataavartumik nukissiorneq soqutigaajuk, aamma tuniniaasarneq kiisalu siunnersuisarneq pikkoriffigaajuk? – Kalaallit Nunaata piujuaannartitsinermik tunngaveqartumik pilersorneqarnerata ineriartortinneqarnissaanut peqataarusuppit, taava Nukissiorfiit ilinnut tulluarput!

Nukissiorfiit ingeniørimik, misissueqqissaartartumik, økonomimik imaluunniit assingusumik sulisussarsiorput immikkoortortaqarfimmut nutaamut Tuniniaanermut aamma Avammut tuniniaasarnerup nittarsaanneqartarnissaata ineriartortinneqarnissaanut immikkoortortaqarfimmut. Sapinngisamik piaartumik atorfinitsitsisoqassaaq imaluunniit isumaqatigiissuteqarnikkut.

Nukissiorfiit Kalaallit Nunaanni illoqarfinnut aamma nunaqarfinnut tamanut sarfamik, imermik aamma kiassaanermik pilersuineq akisussaaffigaat. Pilersuinitta 70 %-it pallillugit ullumikkut nukissiamit ataavartumit pisuuvoq, kisianni uagut tamanna suli annertunerusunngortikkusupparput. Nukissiorfiit nuna tamakkerlugu 370-inik sulisoqarput, taakkunannga 70-it Nuummi qullersaqarfimmiittuullutik, tassani tuniniaanermut aamma avammut tuniniaasarnerup nittarsaanneqartarnissaanut immikkoortortaqarfik aammattaaq tassaniilluni.

Sullitat aamma inuiaqatigiit aningaasaqarnerat qitiutillugu immikkoortortaqarfiup ineriartortitsinermut aamma misissueqqissaarnermut suliassat isumagisarpai tunineqarnissaannut periarfissat nutaat pissarsiarinissaat eqqarsaatigalugu. Maannakkut uagut qitiutipparput ataavartumik nukissiaqarfissanik atuinerulernissaq, taamaaliornikkut innaallagissamik aamma kiassaanermik nioqqutissiornermi uuliamik atuinnginnerulernissaq anguniarlugu. Naatsorsuutit inerneri qitiutippavut, taamaallaallu inuiaqatigiit aningaasaqarnerannut iluaqutaasinnaanerusut iliuuserisat ingerlattarlutigik.

Immikkoortortaqarfiup Nukissiorfiit nukissiornerata sinneruttup inuiaqatigiinni iluaqutaanissaa annertuumik akisussaaqataaffigaa, ingammik uuliamik atuinnginnerulernissaq anguniarlugu soorlu assersuutigalugu innaallagiartortumik kiassaanerup nioqqutigineqartalerneratigut. Immikkoortortaqarfiup aammattaaq suliffeqarfimmi tuniniaasassaaq, ataavartumik nukissiaqarnerup annertusarneratigut aningaasaqarnikkut iluanaarutaasinnaasumik periarfissat paasineqarneratigut. Illit atorfissaqartippatsigit, nukissiaqarnermi, seqinermik, anorimik, kiassaanermik aamma pilersuinermik tamakkiisumik ilisimasanik nutaanerpaanik pissarsinissamut, misissueqqissaarnissamut aamma ingerlatitseqqiisarnermut pikkoriffilik, sullitallu angullugit siunnersuisarnissamut aamma nioqqutaatitsinnik nioqquteqarnissamut piumasaqarluartuusoq. Illit suliassatit aammattaaq tunngaviulissapput Nukissiorfiit sullitaannik nukissiamik sipaaruteqartarnissamut periarfissanik siunnersuisarnermut aamma ilitsersuisarnermut atorneqarnissaminnut.

Sulisussarsiorpugut aallussilluartumik aamma suliatigut pikkoriffeqarluartumik attaveqaqatigiinnermik aamma ingerlatitseqqiisarnermik piginnaaneqarluartumik. Immikkoortortaqarfik aallartisarneqarmat illit annertuumik immikkoortortaqarfiup ineriartortinneqarneranut aamma siunissamut sunniuteqaqataaffigissavat. Atorfimmit assingusumit misilittagaqarneq iluaqutaassaaq, kisianni aammattaaq tusarfigerusuppatsigit ilinniakkannik naammassinneqqammeruilluunniit.

Uagutsinni isumassarsiatsialak sillimmatitut pingaartutut isigineqartarpoq, kisitsisinik paasissutissanik sukumiisumik misissuineq, ingerlatitseqqiineq aamma business case pitsaasoq tunngavigalugit pilertortumik piviusunngortinneqarsinnaasoq. Taamaattumik uagutsinnut pingaartuuvoq ulluinnarni sulineq avatangiisini pissanganartuni ammasuusunilu pisarnissaa, tassani isumassarsiat nutaat saqqummiunneqartarlutillu oqallisigineqartassammata.

Suleqatissarsiorpugut makkuninnga piginnaaneqartumik:

  • Misissueqqissaartarnermik/teknikimik tunuliaqutaqartumik
  • Suliffeqarfimmit suliffeqarfimmut (B2B) nioqquteqartarnermik aamma sullitanut tuniniaasarnermik misilittagaqartumik
  • IT-mik piginnaaneqarluartuusumik, ingammik databasemik aamma pisuusaartitsinermut atortunik
  • Attaveqaqatigiinnermut ingerlatitseqqiisarnermillu piginnaaneqarluartumik
  • Kalaallit inuiaqatigiit ilisimasaqarfiginissaat iluaqutaassaaq aamma oqaatsinik arlalinnik oqaaseqarneq
  • Suliassallu piffissaq eqqorlugu suliarineqartarnissaannik pingaartitsisuusoq aamma immikkuualuttortaasa naammassineqarnissaat tikillugu malinnaanissamut.

Neqeroorutigisinnaavavut:

  • Suliffik pikkorissuseqarnermik malunnaatilik aamma suliffeqarfimmi kulturi aallussilluarnermik malunnaateqartoq.
  • Atorfik pissanganartoq nammineq nakkutilliinissamut aamma aalajangeeqataasarnissamut periarfissagissaartoq kiisalu ulluinnarni suliassat naammassineqartarnissaannut sunniuteqarfiginissaanut periarfissagissaartoq.
  • Sullivimmi avatangiisit uummaarissut, tassani illit inuttut aamma suliatigut ineriartornissamut periarfissaqarlutit.
  • Ataatsimoortutut misigineq pitsaasoq, tassani sulinermik nuannarisaqarneq qitiutillutigu.

Atorfeqartitaanermi atugassarititaasut

Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutaat atuuttut tunngavigalugit ingerlanneqassapput.

Sapinngisamik piaartumik atorfinitsitsisoqassaaq.

Atorfik tunngavigalugu inissaqartitsisoqarsinnaanngilaq, taamaattorli Namminersorlutik Oqartussat ataanni atorfimmut tunngatillugu ineqaraanni, inigisap tigummiinnarnissaa periarfissaavoq.

Atorfik pillugu paasissutissat annertunerusut pillugit saaffissaq: Tuniniaanermut Ineriartortitsivimmi Pisortaq Jannik Kappel, mailikkut: lg.ti1542643819ifroi1542643819ssiku1542643819n@aka1542643819j1542643819.

Apeqqutit siammasinnerusut HR-imut apeqqutigineqassapput: lg.ti1542643819ifroi1542643819ssiku1542643819n@rh1542643819 imaluunniit tlf.: (+299) 34 95 00.

Qinnuteqaat, CV, ilinniarsimanermik uppernarsaatit innersuussinerillu allakkatigut uunga nassiunneqarsinnaapput.

Nukissiorfiit

Postboks 1080

3900 Nuuk

Mail: lg.ti1542643819ifroi1542643819ssiku1542643819n@rh1542643819

Uani paasisaqarnerugit www.nukissiorfiit.gl

Qinnuteqarfissaq: Ataavartumik qinnuteqartut tigooqqassavagut

Tusarfiginissat qilanaaraarput!