Nukissiorfinnut innaallagialerisoq, Ittoqqortoormiinut

Piaartumik atorfinittussamik Nukissiorfiit innaallagialerisumik Ittoqqortoormiiniittussamik sulisussarsiorput.

Innaallagialerisoq teamlederimut akisussaaffeqassaaq, illoqarfiup 6/0,4 kV-imik innaallagissap aqqutaanik ingerlatsinermut aamma aserfallatsaaliuisarnermut peqataasassalluni. Tassunga ilanngullugit illoqarfiup transformerstationinik aamma Nukissiorfiit imeqarfiani aamma innaallagissiorfiani innaallagissamut ikkussugaataanik aserfallatsaaliusarnissaq. Innaallagissiorfimmi kiisalu SRO-mik atortumi il.il. kiisalu innaallagissamut tunngasunik suliassanik aqutsinermut aamma hovedtavleni ajoqutinik, iluarsaasarneq aamma aserfallatsaaliuisarneq. Tamatuma saniatigut Nukissiorfiit Ittoqqortoormiini atortuini allani ikkussukkanik aserfallatsaaliuisarnissaq.

Piffissap ilaani innaallagissamut tunngasunik suliassaaleqinerup nalaani suliassanik takkuteriasaartunik suliaqartassaatit, soorlu imermik assingusunillu pajuttuisarnermik.
Ilinniartinneqareernerup kingornatigut suliartoqquneqaratarsinnaallutit pigaartuusassaatit, sap. akunneri ataasiakkaartarlugit suleqatit 2-3-illu paarlaattarlusi.

Suleqatissarsiorpugut makkuninnga piginnaanilimmik:
• Naatsorsuutigaarput innaallagisserisutut ilinniarsimasuunerit.
• Innaallagissamik pilersuinermut atortunik ilisimasalik – imaluunniit ilisimasaqalerusuttumik.
• Pingaartipparput illit nammineerlutit aaqqissuulluakkamillu sulisinnaanerit.
• Aalajaatsuusoq aamma suliannik aaqqissuulluakkamik sulisinnaasoq.
• Nalinginnaasumik biilersinnaanermut allagartalik, iluaqutaassaaq biilinut angisuunut allagartaqarneq.

Qinnuteqartut allamik tulluartumik ilinniagallit aammattaaq soqutiginartinneqarput.

Neqeroorutigisinnaavavut:
• atorfik pissanganartoq assigiinngiiaartunillu suliassartalik, tassani illit suliassat aallartinneranniit naammassinissaasa tungaannut peqataaffigilluartassavatit,
• sullivimmi avatangiisit ilumoorsaarnanngitsut, tassani uagut suleqatigiittut sulisarluta,
• suliatigut aammattaaq inuttut ineriartornissamut pitsaasunik periarfissalik.

Atorfeqartitaanermi atugassarititaasut
Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutit atuuttut tunngavigalugit ingerlanneqassapput. Atorfimmut atatillugu inissaqartitsisoqarsinnaavoq malittarisassat atuuttut malillugit. Nukissiorfiit pillugit annertunerusumik paasisaqarusukkuit takuuk. www.nukissiorfiit.gl.

Atorfik pillugu annertunerusumik paasissutissat sukumiinerusut pillugu saaffigineqassaaq:
Ingerlatsinermut akisussaasuulluni teamlederi Erling H. Rasmussen lg.ti1542641372ifroi1542641372ssiku1542641372n@rhe1542641372 tlf: (+299) 99 19 50.

Apeqqutit nalinginnaanerusunut tunngasut pillugit:
Sulisoqarnermut immikkoortortaqarfik saaffigineqassaaq oqarasuaatikkut +(299) 34 95 00 imaluunniit email: lg.ti1542641372ifroi1542641372ssiku1542641372n@rh1542641372

Qinnuteqaat tassunga ilanngullugit paasissutissat imminut tunngassuteqartut (CV), ilinniagaqarsimanermut allagartat assilineri aamma suliffigisimasanit oqaaseqaatit allakkatut A-tut nassiunneqassapput uunga:

Nukissiorfiit
Postboks 1080
3900 Nuuk
Mail lg.ti1542641372ifroi1542641372ssiku1542641372n@rh1542641372

Kingusinnerpaamik qinnuteqaateqarfissaq: 31. aggusti 2018