Nukissiorfiit Innaallagissamik siaruarterinermut Ingerlatsinermullu siunnersortimik/Suliatigut immikkut ilisimasalimmik sulisussarsiorput

Nukissiorfiit pikkorissumik Ingerlatsinermut Siunnersortimik/Suliamik immikkut Ilisimasalimmik innaallagissamik siaruarterinermut aamma ingerlatsinermut Nuummi qullersaqarfimmiittussamik sulisussarsiorput.

Illit innaallagissamut tunngasumik soorlu innaallagissamut ingeniøritut, maskinmesteritut imaluunniit assingusumik ilinniagaqarsimaguit innaallagissamillu pilersuinermik suliaqarusukkuit, taava periarfissaqarputit pissanganarluinnartumik suliffeqalernissannut, tassani suliamut tunngasunik tamanik suliaqartarnissannut periarfissaqassallutit.

Innaallagissamik pilersuinermik suliaqarsimanissamut misilittagaqarnissaq piumasaqaataanngilaq. Taamatut misilittagaqartuuneq uagut immikkoortortaqarfitsinni taarsiullugu pissarsiarineqarsinnaavoq.

 

Nukissiorfiit nukissiamik pilersuinermik ingerlatsisuuvoq anguniagaavorlu ullut tamaasa tutsuiginartumik nukissiamik avatangiisit eqqarsaatigalugit inuiaqatigiinnut pilersuinissaq.

Kalaallit Nunaat tamakkerlugu atuisunut amerlanerpaanut imermik, innaallagissamik aamma kiassaanermik nioqqutissiorneq aamma siaruarterineq akisussaaffigaarput, tamannalu ilutigalugu suliffitsinnut attuumassuteqartunik sanaartugassanik sanaartortitsisartuulluta.

 

Ingerlatsinermut Siunnersortitut/Suliatigut immikkut Ilisimasalittut Nukissiorfinni siaruarterinermut aqqutit isorartuut ineriartortinneqarnissaannut qitiusumik inissisimassaatit, Nukissiorfiit Kalaallit Nunaanni illoqarfinnut nunaqarfinnullu tamanut pilersuinissamut pisussaaffeqartuummat. Atorfimmut ilaapput ilaatigut aammattaaq innaallagissamik siaruarterinermi ingerlatsinermilu teknikikkut ikiuisarneq, suliamut attuumassuteqartut ataatsimiititaliap qaammammut ataatsimiittarnissaanut akisussaasuuneq, oqartussanut attaveqartarneq kiisalu avataaneersunut siunnersortinut attaveqartarneq.

Tamakku tamarmik innaallagissamik siaruarterinermik sutigut tamatigut suliaqartarnissannut periarfissippaatsit, 132 & 60 kV uagut imermik nukissiorfitsinnit innaallagissamik ingerlatsinermut aqqutiniit, nunaqarfinni mikinerni nalinginnaasumik 400V siaruarterinermut, Nukissiorfiit Isumannaallisaanermut pitsaassusiata qulakkeerneqarnissaanut atortuinik ataqatigiissaarinermut (SKS/KLS).

 

Pingaarnertut suliffigisassavat Nuummi qullersaqarfik, kisianni Kalaallit Nunaat tamakkerlugu angalasarnissamut periarfissaqartinneqassaatit, Nukissiorfiit innaallagissamik siaruarterinermut aqqutaanik ilisimasaqarneq atorfimmi pingaarnerit ilagimmassuk.

 

Suliassatit ilaatigut makkuussapput:

  • Innaallagissamik siaruarterinermut aamma innaallagissamik ingerlatsinermut atortunik nakkutilliinissamut isumaqatigiissusiortarnissaq kiisalu kingornatigut taakkuninnga ataqatigiissaarisarneq.
  • Aqqusernit qulliinik misissuisarnissamut isumaqatigiissusiortarneq, kiisalu tamatuma kingornatigut taakkuninnga ataqatigiissaarisarneq.
  • Nukissiorfiit SKS A & D atortuinik ataqatigiissaarisarneq.
  • Innaallagissap silaannakkut aqqutaanik 132 & 60 kV-nik pilersaarutaasumik misissuisarnissamut ataqatigiissaarisarneq.
  • Innaallagissamik siaruarterinermut aamma innaallagissamik ingerlatsinermut atortunut tunngatillugu nalinginnaasunik, periusissanik aamma ilitsersuutinik suliaqartarneq.
  • Nalinginnaasumik aqqutinut stationimut najoqqutassiamut akisussaasuuneq.
  • Innaallagissap siaruarterneqarnerani atortunut Ingerlatsinermut aamma Aserfallatsaaliuinissamut Xellent-imi immikkoortup atuutilersinneqarnissaanut aamma aserfallatsaaliorneqarnissaanut akisussaaneq.
  • Innaallagissamik siaruarterinermut atortup ArcGIS-imiittup ingerlatsinermut aamma aserfallatsaaliuisarnermut atortunik atuutilersitsinermut aamma aserfallatsaaliuisarnermut akisussaaneq.

 

Suleqatissarsiorpugut makkuninnga piginnaanilimmik:

  • Innaallagissamut tunngatillugu teknikimik ingerlaqqiffiusumik ilinniagaqarsimasuuneq (innaallagissamik installatøritut, innaallagissamut ingeniøritut assingusumilluunniit).
  • Innaallagissamik pilersuinermut atortumik ingerlatsinermut suliatigut misilittagaqarneq.
  • Tamanik isiginnissinnaaneq, ataqatigiissaarinissamut piginnaanilik, soqutiginnittoq aamma suliffeqarfimmi namminermi ilinniartitsinermik ingerlataqarsinnaasoq.
  • Attaveqaqatigiinnermut pitsaasunik piginnaaneqartoq, allannermi aamma oqalunnermi, iluaqutaassaaq kalaallisut aamma qallunaatut.
  • Suliniutinik aqutsinermik ilisimasalik, iluaqutaassaaq PRINCE 2-mik.

 

Tamakku saniatigut pitsaaqutaassaaq Kalaallit Nunaanni pissutsinik ilisimasaqarneq aamma nukissiamik pilersuinermut atortunik ingerlatsinermik.

 

Ilinnut neqeroorutigisinnaavarput atorfik pissanganartoq, assigiinngiiaartunik aamma unamminartortalinnik suliffiusoq sullivimmi avatangiisini ilumoorsaarnanngitsuusuni. Suleqatigiinni ilaassaatit Ingerlatsinermut Pisortamut akisussaaffeqarlutit, taassuma saniatigut ingerlatsinermut siunnersortinik katillugit quliusuusunik, atortunut ataqatigiissaarisartumik aamma teknikimut assistentimik ilaqartut. Atorfik illit sunniuteqarfigisinnaasat suiassat aallaqqaataanniit naammassineqarnissaata tungaannut malinnaaffigisassallugit.

 

Atorfeqartitaanermi atugassarititaasut

Atorfinitsitsisoqassaaq Naalakkersuisut aamma kattuffiup attuumassuteqarfigisap akornanni isumaqatigiissutaat atuuttut tunngavigalugit.

 

Atorfimmut atatillugu inissamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnini tunngavigalugu atorfimmut atatillugu ineqartinneqaruni, atorfimmut atatillugu inimut innersuussamut pisinnaatitaaffia atuutiinnassaaq, imaluunniit inissaqanngivissoruit inissarsiorninni attaveqarfigisinnaasatit pillugit ikiorsinnaavatsigit. Atorfinitsinneqarnermut atatillugu angalanermut aamma pequtit nuunneqarnerannut akiliussisoqassaaq kiisalu ukiut pingasut ataannartumik atorfeqareernerup kingornatigut inoqutigiit tamarmik angerlarnerannut akiliunneqassapput, qitornat 18-it inorlugit ukioqartut ilanngullugit.

 

Atorfinitsitsineq pissaaq qaammatini pingasuni misilinneqarluni. Atorfinitsitsisoqassaaq isumaqatigiissuteqarneq tunngavigalugu.

 

Nukissiorfiit pillugit paasissutissat sukumiinerusut, takuuk: www.nukissiorfiit.gl

 

Atorfik pillugu paasissutissat sukumiinerusut pillugit saaffiginnittoqassaaq uunga:

Paasissutissat sukumiinerusut uunga saaffiginninnikkut pissarsiarineqarsinnaapput, Ingerlatsinermut Pisortaq Gert Schmidt Nielsen, e-mail: lg.ti1542348430ifroi1542348430ssiku1542348430n@sre1542348430g1542348430 imaluunniit telefonikkut saaffiginninnikkut tlf. (+299) 34 95 00.

 

Apeqqutit nalinginnaanerusut Sulisoqarnermut Immikkoortortaqarfimmut saaffiginnissutigineqarsinnaapput.

 

Qinnuteqaat tassunga ilanngullugit paasissutissat ilinnut tunngassuteqartut (CV), ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput uunga: lg.ti1542348430ifroi1542348430ssiku1542348430n@rh1542348430 imaluunniit allakkatigut A-tut nassiunneqassapput uunga:

 

Nukissiorfiit

Issortarfik 3

Postboks 1080

3900 Nuuk

 

Qinnuteqarfissaq kingullerpaaq:

Sisamanngorneq ulloq 18. oktober 2018.