Aqutsisut allatseqarfiani pisortaq

Nukissiorfiit niuernikkut ineriartortitsinerup pissanganartup qeqqaniipput, tassani pilersinneqarput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatumunnga ilanngullugit ataavartumik nukissamik pilersuinermik ineriartortitseqqinneq aamma pitsanngorsaaneq, imermik imerneqartussamik pilersuineq ilanngullugu qitiutinneqarlutik ineriartorteqqinneqarput angusarissaarniarluni anguniakkat aamma killiliussatut piumasaqaataasut unamminartut atorlugit.

Nukissiorfiit aqutsisut allatseqarfianut pisortamik pissarsiorput. Aqutsisut allatseqarfiat nutaatut pilersinneqarpoq taamaattumillu suli ineriartortinneqarluni. Taamaattumik allatseqarfimmi pisortap piginnaaneqarfigissavai nutaamik eqqarsarneq aamma allatseqarfiup inisisimaneranik pitsanngortitsissaaq Nukissiorfinnut attuumassuteqartutigut taamatuttaaq suliffeqarfiup aaqqissuussaaneranut aamma inuiaqatigiinnut kalaallinut attuumassuteqartutigut.

Suliassaq

Aqutsisut allatseqarfiata suliassaa pingaarneq tassaavoq Nukissiorfinnut aqutsinermi iluaqutissanik tunniussaqartarnissaq. Aqutsisut allatseqarfiata Nukissiorfinni suliat ingerlasarnerisa naammassilertortarnissaat aamma naleqqussarneqarnissaat qulakkiissavaa, kiisalu suliffeqarfimmi namminermi paasissutissat ingerlateqqittarnerat aamma suliassat suliarineqartarnerat pitsanngorsassavaa aamma suleqatigisanut avataaniittunut tunngatillugu, ingammik Namminersorlutik Oqartussanut.

Taamatuttaaq aqutsisut allatseqarfiannut eqqarsaatigineqarpoq siunissamut iluusissatut pilersaarutinik aamma aaqqissuussaanermi suliniutinik tunngavilersuisussatut aamma ataqatigiissaarisussatut, ingammik tunngavilersussallutit Nukissiorfiit Siunissamut iliuusissatut anguniakkat 2018-2022 aammattaaq uani Nukissiuuteqarnermut imermillu pilersuinermik immikkoortumut pilersaarummi anguniakkanut tunngatillugu.

Tamakku saniatigut aqutsisut allatseqarfianut ilaapput Nukissiorfinni suliffeqarfimmi namminermi aamma avataanut attaveqaqatigiinnerit tusagassiuutitigut nalunaarutit aamma tusagassiuutinut attaveqartarnerit aqqutigalugit imaluunniit inuit attaveqatigiittarfiit aammattaaq Nukissiorfiit intranettia aqqutigalugu attaveqaqatigiittarnerit.

Immikkoortortaqarfiit sisamanik sulisoqarpoq taakkua ilinnut akisussaassuseqassapput. Illit Nukissiorfiit pisortaanut akisussaassuseqassaatit.

Illit

Pingaaruteqarpoq paasissutissanik ingerlatsitseqqinnermut pitsaasunik piginnaaneqarnissat, illit avatangiisivit kajumissuseqalernissaannut piginnaasaqassaatit anguniagaqarluarnermik eqqarsaateqarlutit suleqatigiinnikkut, naalakkersuisoqarfimmi, aqutsisoqarfimmi aamma/imaluunniit oqartussaasoqarfimmit allamik misilittagaqarneq iluaqutaassaaq.

Tamatuma saniatigut pingaartipparput illit suliniutitta pitsaasumik ingerlanissaannik qulakkeerinninnissat, taamaalillutik taakku uagut aaqqissuussaanitsinni patajaatsumik inississammata, illit piviusumik sulissutigissavat nammineq ilisimasannik ingerlatsitseqqittarneq suliat ataasiakkaat pineqartillugit, taamatuttaaq immikkoortortaqarfimmi ataatsimut isiginnilluni ilisimasanik ingerlatsitseqqittarnermut, tamatumunnga ilanngullugu periuserineqartut allattorneqarnissaat kingusinnerusukkut atorneqarnissaannut.

Tamakku saniatigut pingaartipparput illit tassa:

  • Tulluartumik ingerlaqqiffiusumik ilinniagaqartuusutit aamma pilerigalugu nukissiornermut tunngatillugu piviusumik suliarineqartussat ingerlatsissallugit,
  • Nukissiorfiit suliatigut sammisaanik ilisimasaqarluartuunerit,
  • ataatsimut suliaqarnermut piginnaasaqarluartutit, aaqqissuussaanermut paasinnilluartuusutit aamma politikkikkut sullissinermik misilittagaqartuullutit,
  • siumut isiginnittumik pilersaarusiornermik piginnaasaqartutit aamma pisunik tassanngaannaq takkuttartunik isumaginnissinnaasutit ulluinnarni ulapaarfiusuni,
  • aaqqissuussaanerup iluani qummut, sanimut aamma ammut aqutsillaqqissuusutit,
  • isumalluuteqarluartuusutit aamma ingerlalluartuusutit kiisalu iluaralugu akuttunngitsumik ulapiffiusunik avatangiiseqarluarlutit peqataasinnaaneq.

Tamakkununnga ilanngullugit iluaqutaassaaq oqaatsinik arlaqartunik illit atuisinnaaguit, kalaallisut, tuluttut aamma danskisut.

Atorfeqartitaanermi atugassarititaasut aamma paasissutissat sukumiinerusut

Allatseqarfimmi pisortamut aningaasarsiat aamma atorfeqartitaanermi atugassarititaasut Naalakkersuisut aamma kattuffiup tulluartup akornanni isumaqatigiissutit atuuttut tunngavigalugit ingerlanneqassapput. Sapinngisamik piaartumik atorfiup inuttalerneqassaaq. Atorfimmut atatillugu inissaqartitsisoqanngilaq,

Kingusinnerpaamik qinnuteqaateqarfissaq tassaavoq 9. December 2018. Qinnuteqaat tassunga ilanngullugit paasissutissat ilinnut tunngassuteqartut (CV), ilinniagaqarsimanermut uppernarsaatit aamma siornatigut suliffigisimasanit oqaaseqaatit assilineri ilanngullugit mailikkut uunga lg.ti1545140826ifroi1545140826ssiku1545140826n@rh1545140826 imaluunniit allakkatigut A-tut nassiunneqassapput uunga: Nukissiorfiit, Postboks 1080, 3900 Nuuk.

Takuuk www.nukissiorfiit.gl Nukissiorfiit pillugit paasissutissat sukumiinerusut, tassalu apeqqutit atorfimmut tunngasut nassiunneqarsinnaapput uunga lg.ti1545140826ifroi1545140826ssiku1545140826n@rh1545140826.