Aqutsisunut allatseqarfimmut ilinniarnertuutut ikiortaasussaq

Nunatsinni suliffeqarfiit annersaasa ilaanni attaveqaqatigiinnermut tunngasumik illit sulerusussinnaavit?

Nukissiorfiit aqutsisunut allattoqarfiat ilinniarnertuumik ikiortaasussamik pissarsiorpoq attaveqaqatigiinnermut tunngasunik suliaqartussamik aamma suliassanik allanik suliaqartartussamik.

Aqutsisunut allattoqarfiup pingaarnertut suliassarivai Nukissiorfiit aqutsisuinik, ingammik direktionimik sullissinissaq. Aqutsisut allattoqarfiata oqartussaasunut attaveqarnermut tunngasut suliarisarpai, suliffeqarfimmi namminermi aamma avammut attaveqaqatigiinneq. Maannakkorpiaq immikkoortortaqarfimmi sisamanik sulisoqarpoq.

Suliffik
Ilinniarnertuutut ikiortaasutut immikkoortortaqarfimmi sulisut allat suliarisassaannut ikiuuttassaatit. Illit suliassatit tassaanerussapput suliassat attaveqaqatigiinnermut tunngasut, taakkununnga ilanngullugit;
– Ingerlatsinermut tunngatillugu paasissutissanik nalunaaruteqartarneq
– Nukissiorfiit nittartagaanik nutarterisarneq aamma ineriartortitsineq
– Nukissiorfiit Facebook-imi qupperneranik aamma inuit attaveqaqatigiiffiini ingerlataanik allanik nutarterisarneq aamma nakkutiginninneq
– Annoncinik aamma suliaqartarneq aamma annoncit inissaannik inniminniisarneq
– Nukissiorfinni attaveqaqatigiinnernik paasissutissiineq ilaatigut intranet aamma skærmit paasissutissiissutit aqqutigalugit
– Nukissiorfiit assinik aamma videonik toqqorsivianik ineriartortitseqqinneq
– Ataatsimiinnernik, isumasioqatigiinnernik aamma inunnut tunngasunik aaqqissuussinernik piareersaaneq aamma malitseqartitsineq
– Nutserinermi suliassat annertunngitsut ilaasinnaapput
– Suliassat suliarineqartussat assigiinngiiaartut

Suliassanut piviusunngortinneqartussanut illit piginnaasatit aamma misilittakkatit apeqqutaassapput.

Piginnaasat
Iluarissavarput illit:
– Bachelorinngorniartutut imaluunniit kandidatinngorniartutut ilinniartuusutit
– Tulleriiaarilluarnermik tunngaveqarlutit suleriaaseqartuunerit
– Attaveqaqatigiinnermik aamma politikkimik soqutigisartuunerit
– Oqalutsillutit oqallorissuusuunerit aamma allatsillutit oqaasiliullaqqissuusuunerit
– Nittartakkat aamma inuit attaveqatigiittarfiisa atornissaannik ilisimasaqartuunerit

Taakkununnga ilanngullugit iluaqutaassaaq arlariinnik oqaaseruit (kalaallisut, tuluttut aamma danskisut).

 

Atorfeqartitaanermi atugassarititaasut
Atorfinitsinneqarneq ingerlanneqassaaq regulativi manna: “Regulativ om løn- og ansættelsesvilkår for volontører og studentermedhjælpere m.fl. af 15. september 2016.” naapertorlugu.

Piffissamut suliffigisassatut aallaavigineqassaaq sapaatit akunneranut nalunaaquttap akunneri quliniit – femteninut, suna ilinniagaq ingerlannerit apeqqutaalluni, kisianni sukumiinerusumik isumaqatigiissutigineqarsinnaavoq. Soraarummeernissanut il.il. atatillugu eqaatsumik periuseqarnissaq neqeroorutigaarput.

Atorfimmut atatillugu inissaqartitsisinnaanermik neqerooruteqartoqanngilaq.

Atorfik pillugu sukumiinerusumik paasissutissat
Takuuk www.nukissiorfiit.gl Nukissiorfiit pillugit sukumiinerusumik paasissaqarniarlutit.

Aqutsisunut allatseqarfimmi pisortaq Joan Bloch Grube attaveqarfigineqarsinnaavoq atorfik pillugu sukumiinerusumik paasisaqarusuttunit, telefon (+299) 34 95 99 imaluunniit mail lg.ti1542703069ifroi1542703069ssiku1542703069n@gbj1542703069.

Qinnuteqaat
Qinnuteqaat tassunga ilanngullugit paasissutissat namminermut tunngasut (CV) ilinniagaqarsimanermut uppernarsaatit maili aqqutigalugu nassiunneqassapput uunga lg.ti1542703069ifroi1542703069ssiku1542703069n@rh1542703069 imaluunniit allakkatut A-tut uunga Nukissiorfiit, Postboks 1080, 3900 Nuuk.

Qinnuteqaateqarnissamut piffissarititaasoq kingusinnerpaaq
Sisamanngorneq 8. novembari 2018.
Qaammatisiutit ulluat sulilerfissaq taassaavoq piaartumik imaluunniit isumaqatigiinnikkut. Atorfinitsitsinissaq pillugu oqaloqatigiinnerit ingerlaavartumik ingerlanneqassapput.