ALLANGARSIUTEQQITAQ Ilulissani innaallagissamik siammarterinermi suleqatigiinni aqutsisoq

Nukissiorfiit Ilulissat innaallagissamik siammarterinermi suleqatigiinni aqutsisussarsiorput.
Suleqatigiinni aqutsisutut sulianut aqutsinermullu tunngasunik suliassanik unammillernartunik suliaqassaatit, suleqatit suliaminnut piukkunnarluinnartut persuarsiunngitsullu suleqatigalugit.

Suliassat
Suliassatut pingaarneq tassaavoq Ilulissani nunaqarfiinilu innaallagissamik siammarterineq. Illillu suliassatit tassaapput:

• Høj- aamma lavspændingsanlæginik ingerlatsinermik, aserfallatsaaliinermik ineriartortitsinermillu suliaqarneq.
• Akisussaaffiit iluanni aningaasatigut missingersuusiorneq ingerlatsinerlu.
• Sanaartugassanut innaallagissamik siammarterinissamut Business Caseliorneq, pilersaarutit suliffeqarfittullu anguniakkat malillugit.
• Sanaartortitsinissamut pilersaarusiornermi, uppernaasaatinillu suliaqarnermi peqataaneq.
• Akisussaaffigisap iluani kingoraartissanik atortussanillu pisiortornissamut, nalunaarsuinissamut ikililerinissamullu piareersaaneq ingerlatsinerlu.
• Pilersaarusiornermi, maleruaqqusaliornermi, ilitsersuusiornermi malitassaliornermilu peqataaneq.
• Illoqarfimmi nunaqarfiinilu el-nettinik atuutsitsilerneq, ingerlatsineq nakkutilliinerlu.
• Nunap immikkoortuani SKS systemip ataavartuunissaanut suleqataaneq.
• Pigaartooqataaneq
• Sumiiffimmi isumannaallisaarnermut tunngasunik tassungalu tunngasunik maleruaqqusat malillugit suliaqarneq.
• Innaallagissiornermut oqartussat sumiiffimmi nunaqarfiinilu aallartitaat.

Immikkoortortami suleqatigiinni aqutsisutut sulisut pingasut akisussaaffigissavatit, aqutsisutullu atuuffeqassallutit.

Naatsorsuutigineqarpoq teknikkip tungaatigut ingerlaqqiffiusumik ilinniagaqarsimanissat, soorlu el-installatøritut, maskinmesteritut assigisaanilluunniit, kiisalu suliffimmi sulisimasutut aqutsisimasutullu minnerpaamik ukiuni marlunni misilittagaqarsimassallutit. Taassuma saniatigut akuerisaasumik innaallagisserisussatut piginnaatitaaffeqassaatit.

Pingaartipparput:
– Aningaasanik missingersuusiornermut, taakkualu ingerlannerinut nalimmarsarsinnaanerinillu misilittagaqartuunissat.
– Business Case-liornissamut ilisimasaqarneq.
– Suleqatiginnillaqqillutillu suleqatigiit iluanni suliffiullu avataanut attaveqarluarsinnaasuunissat.
– Høj aamma lavspændings distributionsanlægini kukkunernik takunnilluarsinnaanissat
– Scada- aamma PLC-systeminut ilisimasaqarluarnissat
– Ingerlatsinermut aserfallatsaaliinermullu systemit EDB-mit tunngavillit ilisimasaqarfigilluassagitit.
– Biilersinnaanermut allagartaqartutit.
– Suliat allanngorartut nammassinnaagitit, suliallu pitsaalluinnartumik naammassineqarnissaa pingaartikkitit.

Atorfeqartitaanermi atugassarititaasut
Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutaat atuuttut tunngavigalugit ingerlanneqassapput.

Atorfik tunngavigalugu inissaqartitsisoqarsinnaavoq, tassunga qularnaveeqqummik akiliisoqassaaq, maleruaqqusallu malillugit inigisamut akiliisoqartassaaq. Atorfininnermi angalaneq pequttallu angallanneri akilerneqassapput, ukiullu pingasut atasuinnarmik sulereersimalluni soraarnermi, ilaquttat meeqqallu 18-it inorlugit ukiullit angerlalernermi akiliunneqassapput.

Atorfik pillugu apeqquteqarniaraanni aana saaffiginniffissaq Nunap immikkoortuani pisortaq Magnus A. Olsen, lg.ti1542699443ifroi1542699443ssiku1542699443n@oaa1542699443m1542699443 imaluunniit sianernikkut: +299 94 67 77.
Apeqqutit siammasinnerusut uunga ingerlatinneqassapput lg.ti1542699443ifroi1542699443ssiku1542699443n@RH1542699443, tlf. (+299) 34 95 00.
Qinnuteqaat, CV, ilinniarsimanermik uppernarsaatit innersuussinerillu allakkatigut uunga nassiunneqarsinnaapput, kingusinnerpaamik pingasunngorneq 22. august 2018. :

Nukissiorfiit
Postboks 1080
3900 Nuuk
Mail lg.ti1542699443ifroi1542699443ssiku1542699443n@rh1542699443