Ingerlatsinermit nalunaarutit

Pilersorneqarnerit ajutoorpat

Sanilinnut paasiniaagit
Innaallagissamik, imermik kiassaanermilluunniit tassanngaannartumik amigaateqaleruit taava eqqissiinnarit. Nukissiorfinnut erngerlutit sianissanngilatit, kisianni sanilerisanni aammattaaq pilersuineq amigaatigineqarnersoq paasiniaruk. Taamaassappat taava sumiiffimmi annertuumi pilersuinikkut ajutoortoqarsimassaaq, taava tamanna kukkuneq Nukissiorfinni paasineqareersimassaaq. 

Atortut illit nammineq misissoruk
Sanilitit innaallagiaqarpata/imeqarpata/kiassarneqarpata isumassarsiatsialaassaaq atortutit illit nammineq misissuiffigigukkit. Soorlu assersuutigalugit HFI imaluunniit HPFI misissukkit innaallagissap ingerlaarneranut ikittaat/qamittaaq – relæ – qaminneqarsimanersoq, imaluunniit sikringit aserorsimanersut. Sikringit aamma relæ innaallagissamut uuttuutip eqqaaniikkajuttarput. Relæ aamma sikringit ajunngippata taava innaallagissamik ikkussuisartoq attaveqarfigiuk. Ungasianit kiassarneqarnerit ajortippat illillu sanilit kiassarneqarpat, taava vvs-imik ikkussuisartoq attaveqarfigiuk.Imermik pilersorneqarnerit amigaatigigukku sanilillu imeqarpat, taava indstillingii kiisalu kiassarneqarninnut aqqutaat ikumanersut misissukkit. Tamanna HFI-mi aamma HPFI-mi relæmi misissussavat.

Tulleriiaaralutit imatut iliussaatit »

Pilersorneqarnikkut annertuumik ajoquteqalernermi
Aserfallatsaaliuinermut atatillugu Nukissiorfiit pilersaarutaasumik qamitsissappata imaluunniit tassanngaannartumik sumiiffimmi annertuumi qamittoortoqarpat uani quppernermi allermi ilisimatitsissaagut.

Pilersuineq unittuussagaluarpat siunnersuutit pitsaasut »

Date Area Title