Ungasianit kiassarneq

Ungasianiit kiassaariaaseq atorneqartillugu sumiiffik aalajangersimasoq imermik kissartumik inissianik kiassaanermut kiisalu imermik kissartumut atorneqartussamik pilersorneqartarpoq. Ungasianiit kissaq kiassaateqarfinnit nukissiorfinnit kiassaateqarfiutigisunit kiisalu eqqakkanit ikuallaavinniit pilersinneqarsinnaavoq.

Ungasianiit kiassaaneq qanoq pilersinneqartarpa?

Ungasianiit kiassaaneq tamatigoortutut oqaatigineqarsinnaavoq, tassami nukiit assigiinngitsut atorlugit pilersinneqarsinnaagami.

Nukissiorfiit tunngaviusumik innaallagissiorneq ungasianiit kiassaanermik pilersitsisarnermut atorpaa, kissaq erngup nukinganik nukissiorfinniit pilersinneqartarluni. Sumiiffinni eqqakkanik ikuallaaviit Nukissiorfiit kiassaanermut aqqutaannut (varmenet) atassuteqarfiini kissaq ikuallaavinniit pilersinneqartarpoq. Aamma kissaq innaallagissiorneq aqqutigalugu pilersinneqarsinnaavoq, aammali ulianut uunnaavissuit atorlugit pilersinneqarsinnaalluni.

 

Erngup nukinganik nukissiorfiit tassaapput innaallagissamik kiassaanermillu pilersitsisartut.

Kiassaateqarfiit tassaapput innaallagiaq uulialuunniit atorlugu kiassaanerinnarmik pilersitsisartut.

Ungasianiit kiassarneq qanoq siammarterneqartarpa?

Kissaq pilersinneqareeraangat atuisunut imertut kissartutut siammarterneqartarpoq. Tamanna ruujorit oqorsaasersukkat atorlugit ingerlanneqartarpoq. Erngup apuunnissaanut ruujori immikkoortoq atorneqartarpoq, erngullu uternissaanut ruujori alla. Erngup ingerlaarnerani nukiup atorneqartup 2-10 %-ia annaaneqartarpoq.

Inissiani ungasianiit kiassarneqartuni tamani varmevekslerimik ikkusimasoqarpoq, kissarlu Nukissiorfinneersoq inissiap imermut kiassarnermullu systemianut pisarpoq, taamaalillunilu imeq kiassarnermut net-imiittoq kiisalu inissiami imeq akulerunneq ajorput.

Ungasianiit kiassaanermik atuisunngornissamut qinnuteqaat

Atuisunngornissannut soqutiginnippit, taava una qimerlooruk, tassani takusinnaagakku Nukissiorfiit sumiiffimmi najugaqarfinni ungasianiit kiassaanermik siammarterisarnersut.

Ungasianiit kiassaanermik atuisunngorusukkuit una immersugassaq immersussavat.

Aqqutissiuunneqarusukkuit atuisunut sullissivik saaffigisinnaavat. 

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542147763ifroi1542147763ssiku1542147763n@eci1542147763vrese1542147763dnuk1542147763.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.