Kiassarneq pillugu apeqqutit akissutaallu

Ungasianiit kiassarneq suua?

Ungasianiit kiassarnermi kissaq pilersinneqartoq tassaavoq imeq kissartoq kiassaateqarfinneersoq, imaluunniit eqqakkanik ikuallaavinneersoq, ruujorit oqorsarluakkat aqqutigalugit inissianut siammarterneqartartoq. Inissiani imeq kissartoq kiassarnertut kiisalu imertut kissartutut atorneqartarpoq. Imeq kiassarnermik tunioraareeraangat kiassaateqarfinnut utertinneqartarpoq kissaqqinneqarlunilu.

Kiassarneq innaallagiartortoq ataavartoq suua?

Kiassarneq innaallagiartortoq taaguutaavoq kiassaariaatsinut arlalinnut, tassalu kiassaariaatsinut innaallagiaq ataavartoq atorlugu pilersinneqartunut. Inissiat kiassarnermik innaallagiartortumik ataavartumik kiassarneqartoq kiassaateqarput innaallagiartortunik, kiassaatinut nalingininnaasunut assingusunik. Kiassaat innaallagiartortoq innaallagissamut atassuseraangami tamakkiisumik kissattarpoq. Termostatip aquppaa ini nillerpallaalerpat kiassaatip nammineq ikinnissaa, kissarlu naammalerpat nammineq qaminnissaa. Taamaattut taamaallaat Nuummi, Sisimiuni, Qaqortumi, Narsami Ilulissanilu atorneqarput, tassa sumiiffinni erngup nukinganik nukissiutilinni.

Kiassarneq innaallagiartortoq qaminneqarsinnaasoq suua?

Kiassarneq innaallagiartortoq qaminneqarsinnaasoq atoraanni, illumi elkedelimik kiisalu taartissatut oliefyr-imik ikkussisoqarsimassaaq. Nukissiorfiit kiassaat innaallagiartortoq qamissinnaavaa, taamaalilluni oliefyri kiassarnermut atorneqarsinnaalluni.

Erngup nukinganik nukissiorfiit atuuffii innarlerumanagit, atuisunut kiassarneq innaallagiartortoq qaminneqarsinnaasoq neqeroorutigineqartarpoq. Taamaaliortoqanngippat Nukissiorfiit oliamik uunnaaviit amerlisariaqarpai, imaluunniit elektrokedlit atuuffii qaffallugit, taamaaliornikkulli innaallagissap akia qaffassaaq.

Sooruna kombifyr nammineq akilissagiga?

Atuisumut nammineq illuutilimmut kiassarneq innaallagiartortoq qaminneqarsinnaasoq neqeroorutaavoq pinngitsaaliissutaanani. Sumiiffiit ilaat illorpassuaqarfiit suliffeqarfillillu, erngup nukinganik nukissiorfinnit pilersorneqartut, ilaatigut elektrokedelilersugaapput, Nukissiorfinnit pigineqarlutillu aserfallatsaaliorneqartunik.

Elektrokedel suua?

Tassaavoq atortorissaarut innaallagissamik kiassarninngortitsisartoq. Angissusaat assigiinngillat, angerlarsimaffinnilu nammineq pigisani suliffeqarfinnilu atorneqarsinnaallutik. Taakku kiassarnermut innaallagiartortumut imaluunnit ungasianiit kiassarnermut atorneqarsinnaapput.

Angerlarsimaffinni oliefyr qanoq ilillunga kiassarnermik innaallagiartortumik imalunniit ungasianiit kiassarnermik taarsissavara?

Apeqqutaalluinnarpoq sumi najugaqarnersutit. Uani sumi taamaattoqarnersoq takusinnaavat.
Kiassarnermik innaallagiartortumik ataavartumik imaluunniit qaminneqarsinnaasumik, ungasianiilluunniit kiassarnermik atuisunngorusukkuit qinnuteqaatit uku immersussavatit.

 

Qinnuteqaatit uani nanisinnaavatit:
– Ansøgning om tilslutning af afbrydelig elvarme
– Ansøgning om tilslutning af fjernvarme

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542675194ifroi1542675194ssiku1542675194n@eci1542675194vrese1542675194dnuk1542675194.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.