Kiassarneq

Nukissiorfiit nuna tamakkerlugu sumiiffinnut 16-inut kiassarnermik siammarterisuupput. Kiassarneq ungasianiit kiassarnertut imaluunniit innaallagiaq atorlugu kiassarnertut siammarterneqartarpoq. Sumi najugaqarneq apeqqutaatillugu kiassariaatsitut periarfissat assigiinngillat. Uani takusinnaavatit suut periarfissaanersut.

 

Ungasianiit kiassarnerup tunisassiarineqarnera assigiinngitsutigut ingerlanneqartarpoq:

  • Diesel atorlugu innaallagissiornermi kissaq sipporuttoq atorlugu tunisassiarineqarsinnaavoq

  • Eqqakkanut ikuallaavinneq kissaq sipporuttoq atorlugu tunisassiarineqarsinnaavoq.

  • Erngup nukinga atorlugu nukissiorfinniit kissaq pilersitaq

  • Qalatitsiviit oliatortut atorlugit kissaq pilersitaq

 

Kiassarneq innaallagiartortoq erngup nukinganik aallaaveqarpoq. Assigiinngitsut marluupput: Kiassarneq innaallagiartortoq ataavartoq, kiassarneq innaallagiartortoq qaminneqarsinnaasoq.

 

Nuna tamakkerlugu kiassarnermut akit assigiipput – taamaallaat kiassarnermut innaallagiartortumut qaminneqarsinnaasumut aki appasinnerulaarpoq. Akit uani takukkit.

 

Kiassarneq Nukissiorfinnit tunisassiarineqartartoq nukik ataavartoq tunngavigalugu tunisassiarineqarpoq (Erngup nukinga aamma eqqakkanik ikuallaaneq) imaluunniit innaallagissiorfinnit kissaq sipporuttoq atorlugu. Sumiiffinni ungasianiit kiassarnermik kiisalu kiassarnermik innaallagiartortumik atuiffiusinnaanngitsuni amerlanertigut oliefyr atorlugu kiassartoqarpoq. Varmepumpit kiisalu seqerngup nukinga atorlugu kiassaatit ilaatigut atorneqarput, sulili killilimmik.

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542147464ifroi1542147464ssiku1542147464n@eci1542147464vrese1542147464dnuk1542147464.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.