Inaallagissap aamma erngup akii nutaat

Nukissiorfiit akigititai nutaat Naalakkersuisunit akuersissutigineqarput.

1. januaari 2018 aallarnerfigalugu akit assigiit atuutilissapput, tassa innaallagissamut aamma imermut atuisartunut tamanut aalisakkanik suliffissuit kisiisa pinnagit.

Inaallagissamut aamma imermut akigitinneqartut
Inaallagissap akia tassaalissaaq kWh-mut ataatsimut 1,60 koruunit kiisalu imermut kubikmeterimut ataatsimut 19 koruunit.

Aalisakkanik suliffissuarnut akigitinneqartunut suli tunngavigineqassapput najukkani ataasiakkaani aningaasartuutaasut.

Aalisakkanik suliffissuarnut akigitinneqartut akit allattorsimaffiani ilanngunneqartumi takuneqarsinnaapput.

Kiassaanermut akigitinneqartut
Ungasianit kissaanermut akit allanngortinneqassanngillat MWh-mut ataatsimut 770 koruunit, ungasianit kiassaanermut qaminneqarsinnaasumut atuutiinnassaaq MWh-mut ataatsimut 710 koruunit.

Innaallagissamik kiassaanermut aalajangersimasumut taamatuttaaq akigitinneqartoq MWh-mut ataatsimut 770 koruuniussaaq, innaallagissamik kiassaanermut qaminneqarsinnaasumut MWh-mut ataatsimut sulli 710 koruuniussalluni.