Imermik qalatsiteqqaaqqusinerit ikileriangaatsuartut

Ukiut pingasut ingerlaneranni, imermik qalatsitseqqaaqqusinerit affaannanngorsimapput.

Nukissiorfiit ukiuni kingullerni, nunaqarfinniunerusoq, erngup pitsaassusaa passunneqarluartarnissaalu immikkut isiginiarlugit suliniuteqarput. Taamaaliornerlu 2015-imiit imermik qalatsitseqqaaqqusinerit ikileriangaatsiarnerannik kinguneqarpoq.

Tassami qalatsitseqqaaqqusinerit 44 procent-inik appariarsimapput.

2015-imi ulluni unnuanilu 2920-ni qalatsitseqqaaqqusisoqarpoq, 2017-imilu ulluni unnuanilu 1628-ni qalatsitseqqaaqqusisoqarluni.
Naalakkersuisut nukissamik imermillu pilersuinermut pilersaarusiaanni anguniagassatut siunniussimasaat malillugit, Nukissiorfiit imermik pilersuinerup pitsanngortikkiartuaarnissaanik suliniuteqarnertik ukiuni tulliuttuni ingerlatiinnassavaat.

 

Assit takutippaat 2015-imiit qalatsitseqqaaqqusinerit ikileriangaatsiarsimasut.