Sisimiuni innaallagissamik, imermik kiammillu illoqarfiup pilersornissaa akisussaaffigaarput.
Taassuma saniatigut innaallagissamik imermillu kommunip nunaqarfiinut Itillimut Sarfannguanullu pilersuinissaq akisussaaffigaarput.

Sisimiut siullermik ukioq 1950 innaallagissiorfittaarput. Maaji 2007 erngup nukiliorfissaq aallartinneqarpoq, nunatsinni nukiliorfiit annersaata tullia. Nukiliorfik ukioq 2010 naammassisimassasoq naatsorsuutigaarput. Sarfannguani pissanganartunik marlunnik suliniuteqarpugut. Center for Arktisk Teknologi, ARTEK, suleqatigalugu ilaatigut ataavartumik nukiliuuteqarnikkut periarfissanik misissuivugut, soorlu seqerngup anorillu nukingat atorlugit, kiisalu erngup nukiliorfeeqqanik pilersitsisinnaaneq. Suliniutip aappa maaji 2007 aallartinneqarpoq, tassalu nunaqarfimmi atuisut nunatsinni siullersaallutik uuttuutinik ungasianiit nalunaarsorneqarsinnaasunik ikkussuiffigineqarmata.

Sisimiut pillugit suli paasisaqarusukkuit uani atuarsinnaavatit: