Innaallagissamut, imermut kiassarnermullu, qatserisarnermut, umiarsualivinnut, aqqusinernut, nalunaarasuartaaseriveqarfinnut il.il. pillugit Kalaallit Nunaannut inatsit nr. 943 af 23. december 1986-imeersoq naapertorlugu makku aalajangersarneqarput:.

Kapitali 1.
Pilersinnera siunertaalu.

§ 1. Kalaallit Nunaanni Namminersornerullutik Oqartussat Grųnlands tekniske Organisationi, GTO, 1. januar 1987-imi tigussavaat.

§ 2. GTO ingerlatsiviuvoq Namminersornerullutik Oqartussat sinnerlugit, makkuninnga suliassaqartoq:
1) Namminersornerullutik Oqartussat illoqarfinni innaallagissamik-, imermik kiassarnermillu pilersuinerannik ingerlatsineq, kiisalu innaallagissamik atassusersuineq kuuffissualersuinerlu.
2) Namminersornerullutik Oqartussat illuliortiternermut pisortaqarfiannik ingerlatsineq, tassunga ilanngullugit ilaatigut inissaqartitsineq nerisaqartitsinerlu kiisalu biililiorfiit ingerlanneri aammalu umiarsualivinnik aserfallatsaaliuineq.
3) Namminersornerullutik Oqartussat umiatsialiorfiutaannik ingerlatsineq tassunga ilannguullugu suliffissuaqarnermik ingerlatsineq.
4) Kalaallit Nunaanni Nalunaarasuartaaserisoqarfimmik ingerlatsineq ilaatigut telefonikkut telexikkut qarasaasiatigullu atassuteqarneq ilanngullugit.
5) Narsarsuarmi Mittarfimmik ingerlatsineq.
6) Kalaallit Nunaanni illunik nalunaarsuineq.
7) Sanaartornermi illuliortiternermilu allaffeqarfik, tassunga ilaallutik pilersaarusiortarneq, sanaassanik titartaaneq, sanasussarsiuussisarneq nakkutilliinerlu.
8) Illuliortiterfissanik sanaartorfissanillu misissueqqaartarneq, tassunga ilanngullugit imermik nukiliorfiit kiisalu Kalaallit Nunaanni illoqarfiit nunaqarfiillu nunap assiliorneri.
9) Teknikkimut tunngasuni ilaatigut pilersaarusiornermi aaminalu pisortatut maleruagassiornermi siunnersuineq kiisalu nakkatigisassat ilaannik nakkutilliineq.
Imm. 2. Naalakkersuisut aalajangersinnaavaat GTO-p allanik suliaqarnissaa, imm. 1-imi taaneqartat saniatigut, imaluunniit aalajangersinnaallutik allat imm. 1-imi taaneqartunik suliassanik isumaginnissasut.

Kapitali 2.
Aaqqissuussineq, ingerlatsineq aqutsinerlu.
§ 3. GTO Namminersornerullutik Oqartussat ingerlassaattut aaqqissuussaassaaq qullersaqarfia Nuummi inissitaalluni.

Imm. 2. GTO pisortamit aqunneqassaaq Naalakkersuisunit atorfinitsinneqartumit.

Imm. 3. GTO-mut ukiumut atugassiissutit Inatsisartut aningaasanut inatsisaatigut aalajangersarneqartassapput.

Imm. 4. Ukiup ingerlanerani innaallagissap, erngup, kiassarnerup kiisalu telefonip, telexip qarasaasiakkullu atassuteqaatit akiisa allanngortinneri atulersitsinnagit Inatsisartut aningaasanut ataatsimiititaliaannut akuerisassatut saqqummiunneqartassapput.

Imm. 5. Akit allanngortut allat atalinnginnerini Naalakkersuisunut akuerisassanngorlugit saqqummiunneqartassapput.

§ 4. Naalakkersuisut § 2-i imm. 1-imi taaneqartumik suliassat isumagineqarnissaat qulakkeerniarlugu GTO-p aaqqissugaaneranut, ingerlanneranut aqunneqarneranallu erseqqinnerusunik aalajangersagaliorsinnaapput.

§ 5. Naalakkersuisut Kalaallit Nunaanni landsdommeri isumaqatiginiareerlugu Kalaallit Nunaanni illunik nalunaarsuinermut maleruagassanik aalajangersaassapput, tassunga ilanngullugu illunik pisisup piginnittut nikinnerinik nalunaarnissamik pisussaaffeqarneranut maleruagassanik aamma aalajangersaallutik.

Imm. 2. Illunik nalunaarsuineq tamakkiisumik  ilaannakortumilluunniit Naalakkersuisunit kommunenut suliassiissutigineqarsinnaapput.

Imm. 3. Illunik nalunaarsuinermut tunngasut kommunenut suliassiissutiginerini Naalakkersuisut maleruagassanik aalajangersaasinnaapput, taavalu kommunet illunik nalunaarsuinermut tassungalu atasumik piginnittut nikinnerinik nalunaaruteqarnermut akiliummik piumasaqarsinnaallutik.

Imm. 4. Maleruagassani aalajangersakkanut matumunnga naapertuuttumik atulersinneqarluni aalajangersarneqarsinnaavoq maleruagassanik unioqqutitsineq akiliisitsinermik pineqaatissiissutaasinnaasoq.

Kapitali 3.
Ikaarsaariarnermi aalajangersakkat.
§ 6. Maannamut maleruagassat Kalaallit Nunaannut ministereqarfimmit GTO-millu suliassanut § 2, imm. 1-mi taaneqartunut aaqqissuussinerit atortuuginnassapput allanngortinneqarnissaasa imaluunniit atorunnaarsinneqarnissaasa tungaannut.

Kapitali 4.
Atulersitsinerup ullua.
§ 7. Inatsisartut peqqussutaat una 1. januar 1987-imi atulissaaq Kalaallit Nunaannut inatsisip innaallagissamut, imermut, kiassarnermullu, qatserisartoqarnetrmut, umiarsualivinuut, aqqusinernut, nalanaarasuartaaseriveqarnermut il.il. tunngasup folketingimit akuerineqarnissaa tunngavigalugu.

Namminersornerullutik Oqartussat, ulloq 19. december 1986.

Jonathan Motzfeldt / John E.Jensen