Upernavimmi imeqarfik ulikkaarpoq

Umiarsuaq Holmi maajip ulluisa 15-ianili Langeømit imermik Upernavimmi imeqarfimmut assartuilerpoq.

Ingerlatsinermut pisortap Gunnar Bruunip nuannaarutigalugu nalunaarutigaa Upernavimmi imeqarfik umiarsuaq Holmi silalu iluaqutsiullugit imermik ulikkaaqqinneqartoq. Umiarsuaq ikiuutereerluni maajip ulluisa 28-anni Upernavimmit aallarpoq. Tamatumunnga atatillugu ingerlatsinermut qullersap Gunnar Bruunip angallatip naalagaa Kjeld Petersen Holmimeersoq inuttaalu illoqarfimmi imeqarfimmik immiillutik ikiuunnerannut suleqataalluarnerannullu qutsavigerusuppai.