Ungasianit atuaasarnermik Danmarkimi saqqummiineq

Danmarkimi Kabel- og Liniemesterforeningenip maajip ulluisa 20-anni 21-annilu ukiumoortumik ataatsimiinneranni pilersaarusiornermut siuttoq Peter Kjeldmann Nukissiorfiit ungasianit atuaasalernerat pillugu nalunaaquttap akunnerani ataatsimi saqqummiivoq.

Peter Kjeldmannip Nukissiorfiit, ungasianit atuaasalernermut tunuliaqutaasoq tamatumalu kingunerisai oqaluttuarai.
- Pilersaaruterput immikkut ittuuvoq, nuna tamakkerlugu teknologii ataaseq atorlugu uuttortaatinik tamarmiusunik ataatsikkut taarsersuigatta. Aamma tassaassagunarpugut nunani innaallagiamik, imermik kiassarnermillu atuinermik uuttortaatinik tamarmiusunik ungasianit atuaaffiusuni siullerpaaq, Peter nassuiaavoq.
Taamaattumik saqqummiinermi tusarnaartut ilaat soqutiginnittorujussuanngorput apeqquteqartorpassuaqarporlu. Peter nangippoq:
- Inunnut ulluinnarni uagutsitulli ajornartorsiuteqartunut pilersaarummik oqaluttuussilluni pissanganarpoq. Taama ililluta inuit saqqummiinermi peqataasut aamma ilinniarfigisinnaavavut.

Peter uuttortaatinik pissarsiffitsinnit Kamstrup A/S-imit aaqqissuussinermut Hotel Nyborg Strandimi pisumut aggersarneqarsimavoq.