Ukiuunerani kiassarnermut akiligassaq

Nukissiorfiit innaallagissamut, imermut aamma kiassarnermut atuisimanermut ungasianiit atuarneqatalernissannut uuttuutinik taarsersuillutik suli ingerlatsitsilluarput.

Tamanna aallaavigalugu atuisartutsinnut maluginiaqqulaassavarput, ungasianiit atuisimanermik atuaasoqaraangat atorsimasaviit akilerneqartarmata. Taamaammat kiassarnermut akiligassaq nalinginnaasumik ukiuunerani annertunerusassaaq, ingammik sarfaq atorlugu kiassartunut. Tamanna aasaaneraniit kiassarnermik qaammaqqutinillu atuinerunermik pissuteqarpoq.