Sisimiuni uuttuutit 3/4-ii tamarmik taarserneqarput

Sisimiuni innaallagiamut imermullu uuttuutit tamarmiusut 78 %-ii maanna ungasianit atuaasarnermik nutaamik taarserneqarput.

Nukissiorfiit uuttuisartuisa sapaatit akunnerini qulingiluani illoqarfimmiinnerisa nalaanni uuttuutinit 3572-iusunit 2675-it taarserneqarput. Tamanna Sisimiuni Nukissiorfinni sulisut suleqatigalugit pivoq.

- Taarsersuineq ingerlalluarpoq piffissalersuinerlu malipparput, taanna malillugu Sisimiuni juunip qiteqqunnerani naammassisimassalluta, suliamik aqutsisoq Peter Kjeldmann oqarpoq.

Nunatsinni uuttuutaasut ungasianit atuaassutinik nutaanik, katillugit 43.000-it missaaniitut taarsersorneqarnissaat anguniagaavoq. Tamanna ukiumi 2014-imi naammassinissaa naatsorsuutigaarput.