25. januar 2012
Nuummi pujoorfiup portunersaanit spotlight-qarpoq, Sarfannguit 2-mi nukissiorfiup eqqaani biilit rotorblinkerput nipeqanngitsumik, unnuk kulturisiorfeqartitsisoqarmat arfininngorneq januaarip ulluisa 21-t ammanertik malunnartinniarlugu. Sarfannguani nukissiorfiup akunnerit pingasut ammanerani inuit arajutsinianngitsut 300-t pulaarput.
Imermik nukissiorfik, linieafdelingi, kissarsuuteqarfik erngullu nukinganik nukissiorfik Utoqqarmiut Kangerluarsunnguaniittoq pillugu plakatinik kusanavissunik illorsuarmi takutitsisoqarpoq. Pulaartut 127-t nukinnik sipaarniutinik, imermik sipaarniutinik qaammartartunillu battereqanngitsunik ajungaaniarnermi peqataapput. Apeqqutit qulit kallerup innera, imeq kiassarnerlu pillugit akissuteqartoqarpoq.
Pulaartut kage-nik the-mik saftimillu pillerfigineqarput, refleksit, ballongit matuersaaserfinnullu allunaasat meeqqanut meerarpaluttunullu agguaassisoqarluni.
- Pulaartut ilaat angut iserami oqarpoq, namminneq motorersuaq sarfaliuutillu ataatsimoortut takusaritsik. Skibsmontøri Karl Pavia Møller elværkip kingoraartissaa nutaaq pillugu oqaluttuarpoq, Sarfannguani nukissiorfiup ilanerata nutaartaani imilerisut imermik pilersuineq pillugu paasissutissiineranni.
Suliaq takutissuunneqarpoq
Kontrolrummimi motorersuaq sarfaliuutillu ataatsimoortut ingerlaarneri takuneqarsinnaapput, kiisalu aamma Utoqqarmiut Kangerluarsuani erngup nukinganik nukissiorfimmit assit. Taakku saniatigut Utoqqarmiut Kangerluarsuani plakatit assigiinngitsut kontrolrummip aappaani nivigappput, soorlu tassani aamma unamminermi apeqqutinut akissutissartaqartoq.
Sarfannguani nukissiorfimmi maskinrummitoqqami linieafdelinngimeersut kallerup innerata aqqutaa nutaanngitsoq nutaarlu napparutit kabilillu mikisunnguanngorlugit sanaat takutissuuppaat.
- Utoqqarmiut Kangerluarsuanit kallerup innera illoqarfimmut qanoq agguataartarnersoq takutissuuppavut, napparutit kabilillu mikisunnguanngorlugit sanaat iluaqutsiullugit, liniemesteri Reginald Jensen oqarpoq. Pulaartut aamma måleritoqqat takuvaat, aammalumi ungasianit målerinik atuaasinnaanngorlugit sanaat nutaat takullugit.
- Qinngorput-mi kiassaateqarfiup aqqutaa kiassaateqarfissarlu takutippavut, kiassaateqarfilerisut ilaat oqarpoq. Kiassarnermit pilersuineq pillugu oqaluttuarisaaneq annikittunnguamik takutitsipput kiassarnerlu pillugu sipaarsinnaanermik siunnersuillutik.
- Malungisinnaanera naapertorlugu pulaartut assut soqutiginnipput nuannisarlutillu, ingerlatsinermi aqutsisoq Filip Sivertsen oqarpoq.
