Reykjavik-imi brint pillugu ataatsimiinneq

North Atlantic Hydrogen Association (Altantikup avannaani brint pillugu suleqatigiinneq, NAHA) 23. aamma 24. april 2008 Reykjavikkimi ataatsimeersuarpoq aammalu saqqummiisoqarluni. Nukissiorfimmiit udviklingskonsulent Peter Kjeldmann, erngup nukinga atorlugu nukissiorfinniit, nukissaq sinneruttoq atorlugu brintiliorsinnaaneq pillugu oqalugiaateqarpoq.

NAHAp ataatsimeersuarnerani, 23. april pisumi, Nukissiorfimmi udviklingskonsulent Jens-Peter Bak Henriksen siulersuisunut qinigaaqqippoq.

NAHA kattuffiuvoq, Altantikup avannaani brint nukissatut atorsinnaanera pillugu suleqatigiiffik, kajumissuseqarneq aammalu kiffaanngissuseqarneq naapertorlugu pilersinneqarsimasoq. Suleqatigiinneq siunertaqarpoq, immikkoortortaqarfiit namminneq ilikkagaqarsimanerat aammalu nunarsuaq tamakkerlugu misissuisimanerni naammassisimasat oqaloqatigiissutigissallugit, suleqatigiinneq piukkunnarsassallugu aamma paasissutissat avammut kimulluunniit saqqummiunneqarnissaat isumagissallugit. 

Aallarniutaasumik ataatsimiinneq pisimavoq Nuummi august 2006-mi Nukissiorfiit aaqqissugaanik. Taamani Nunavummiit, Savalimiuniit, Norgemiit, Kalaallit Nunaanniillu peqataasoqarpoq. Kinguneratigut NAHA Newfoundland/Labradorimiit, Shetlandip qeqertaanniit, Orkneyp qeqertaanniit aamma Qallunaat Nunaanniit ilaasortaatitaqalersimavoq.

Takukkit ataatsimeersuarnermi eqqartorneqartut (tuluttut).