Nuummi Nordhavnimi innaallagissiorfimmut motoori nutaaq misilerarneqarpoq

Sanaartortulerivimmi qullersaq Lars Hoffmeyer Italiami Triestemiippoq motoorip nutaap aggustimi Nuuliaanneqartussap misilerarneqarneranut peqataaniarluni.

Lars Hoffmeyer ilisimatitsivoq motoorimi isumannaallisaanermut ikkussukkanik soorlu uuliap naqitsineranut, sukkassutsimut motoorimiillu uulia tunngasunik misileraaneq 15. juni 2010-mi pisimasoq. Aamma motoorip ilungersortinneqarnera misilerarsimavaat, siullermik minutsini 45-ni 60 %-imik kingornalu minutsini 45-ni 85 %-imik naaggataatigullu minutsini 45-ni tamakkiisillugu.
  - Misileraaneq naammassivoq ingerlalluarsimallunilu. Motoori maanna qalipanneqassaaq naqqanullu ikuffissaa ikkunneqassalluni. Tamanna sapaatit akunnerannik marlussunnik sivisussuseqassaaq, Lars oqarpoq.
  Motorblok Tysklandimeersoq aamma fabrikimit pissarsiarineqarsimavoq misileraaneralu ilanngullugu katiternera sapaatit akunnerannik arfineq-marluk missaannik sivisussuseqassaaq.
  Pingasunngornermi 16. juni 2010-mi motoori nilloqqereerpat lejeri misissorneqassaaq.

Paasisaqarnerorusukkuit Sanaartortulerivik attavigiuk