Nanortalimmi unnuk kulturisiorfik iluatsittoq

Nanortalimmi immikkoortortaqarfik unnuk Kultorisiorfimmi peqataavoq, taamaalilluni illoqarfimmi innuttaasut elværkimi erngullu nukissiorfiani takornariarsinnaanngorlutik.

Nanortalimmi elværkimut inuit 200-t missaat iserput, ballon-nit, kage-nit kaffimillu nal. 19-21 sassaallerfigineqarlutik. Maskinsal-mi takornariartitsisoqarpoq, inuit tassani øreproppinik immikkut tamarmik tunineqarput.
  - Ilimanarpoq inuit 100-t missaannik maskinsal-miissimassasut, tassa øreproppinik nunguutsigatta, bygdemesteri Erling Lorentsen oqarpoq.
   - Erngup nukissiorfiani takornarissat 15-t missaanniittut takornariartinneqarput. Erngup nukissiorfiani sulisut oqaatigaat soqutiginnissimaqisut assullu apersorlutik.
 
Elværkimi amerlanerujussuit
- Elværkimi inoqarnerugaatsiarpoq inuillu tamani tamaani angalaarput, kisianni imannak apersuisunit misigisaqanngilagut, Erling oqarpoq.
   Inuit taskinnanniuullutik ajungaaniunnermik peqataapput.
   - Inuppaalussuit ajungaaniunnermut tunngasumut apeqqutinik apersuipput, taavalu plakattinut saqqummersitanut uagut innersuuttarpavut, peqqusersusaannginniassammata, Erling quiasulluni oqarpoq.
   - Ulapaaqaagut kaffillerluta, kage-llerluta, takornariartitsilluta meeqqallu sianiginiarlugit ballon-nillu pullaalluta. Imaassinnaavoq tassani tulluarpallaarsimanngittoq silappaarissunik isumalinnik apersuinissaq.
   - Aaqqissuussineq taamaatigajalersoq pulaartup ataatsip apeqqutigaa, literit qassit m3  -miissinnaanersoq, imaallaat whiteboarde-mut titartaallungalu oqaluttuarpunga, Erling naggasiivoq.