Motoori unnugu ingerlanneqassaaq

Ullumi ataasinngornermi Nuummi Nordhavnimi innaallagissiorfiup motoorissaa generatorissaalu M/S Patriamik immikkut aggiussisumik tikippoq.

Motoori Wärtsilä-miit, Kalaallit Nunaannut usit ataasiakkaat nassiunneqartut annersarisaat 300 tonsit sinnerlugit oqimaatsigaaq 17 MW-iullunilu.

Motoori unnugu illoqarfikkoorunneqassaaq blokvogni immikkut sanaaq 75 tonsinik oqimaatsigisoq atorlugu. Angallassineq Umiarsualivimmit nalunaaqutaq 20.00 aallartissaaq tassani Tysklandimit angallassinermik ilisimasallit blokvognip oqimaatsumik usisup saniani innaallagissiorfiup tungaanut nalunaaquttap akunnerini ataatsimi marlunniluunniit pisorujuussallutik. Angallassineq politiinit qaniuiffigineqassaaq.

Ekvipage ingerlanneqarsinnaaqqullugu ledningit silaannakkoortut peerneqarput taamatullu aamma sumiiffiit ataasiakkaat asfaltimik nukittorsarneqarlutik, ekvipage oqimaatsoq nammassinnaajumallugu. Fiskerbyp eqqaani kaajallattarissami aamma qulliit peerneqarput angallassineq inissaqartikkumallugu.