Innaallagissap aqqutaa ilusinikkiartorpoq

Ilulissat Paakitsumilu erngup nukinganik innaallagissiorfittaassap akornanni innaallagissap aqqutaanik 45 km-iusumik suliaqarneq aallarteruttorpoq. Immikkoortumut siullermut 21 km-iusumut atortussat poorskertinnagu Ilulissanut tunniunneqarput.

Immikkoortumi pineqarput napparutit 65-iusut 35 meterit angullugit portussusillit. Napparutit eqqaavissuup eqqaani immikkoortukkuutaarlugit katersorneqassapput. Illoqarfimmiut ilaasa immaqa malugereerpaat kranerujussuaq ingerlattagaq sumiiffimmukartoq. Napparutit Air Greenlandimit aqqut atuarlugu timmisartuunneqassapput.

Innaallagissap aqqutaa suliffeqarfimmit kroatiameersumit Dalekovod-imit suliassaqarfimmi immikkut ilisimasaqarfiusumit isumagineqassaaq. Siullermik sulisut 20-t sulisorineqassapput ukioq mannali juulip aallaqqaataanit immikkoortup aappaa kingullerlu erngup nukinganik innaallagissiorfiup tungaanut aallartikkutsigu sulisut marloriaatinngortinneqassapput.

Napparutit 139-usut tamarmik ukioq manna ikkunneqarnissaat pilersaarutaavoq. Ledningit silaannakkoortitat 80 %-ii oktobarip ulluisa aallaqqaataata missaani sulinerup unitsinneqannginnerani inissinneqarsimanissaat naatsorsuutigineqarpoq. Innaallagissap aqqutaa 2012-imi upernaakkut naammassineqassaaq 2012-imi ukiakkut generatorimit siullermit innaallagiamik Ilulissanut ingerlaartitsinissamut piareerlugu.