Imermik tunisassiorfik generatorinik nutaanik pisariaqalersitsivoq

Qeqertarsuarmi sillimmatitut innaallagissiorfiup generatoriinik taarsersuinissap pilersaarusiorneqarnera ingerlanneqaleruttorpoq.

Qeqertarsuarmi sillimmatitut innaallagissiorfik annertusaavigineqassaaq, Greenland Springwaterip imermik tunisassiorfia ukioq kaajallallugu tunisassiulerpat illoqarfimmi innaallagissamik atuineq 100 % -it missaannik annertuseriartussaassammat.
   - Sillimmatitut innaallagissiorfimmi atortut pisoqqat katillugu nal. ak. 15.000-iinnarni ingerlasimapput, illoqarfimmilu innaallagissamik atuinerup annertusinissaanut mikivallaalersimallutik, pilersaarusiornermi aqutsisoq Morten Koldby oqaluttuarpoq.
   Sillimmatitut innaallagissiorfiup Namminersorlutik Oqartussanit avatangiisitigut akuerineqarnissaa maannakkorpiaq amigaatigiinnarparput. Atortunik taarsersuineq aappagu aatsaat ingerlanneqassaaq, taamanikkussamut piareersaatit tamaasa piareersimanissaat neriuutigineqarmat.

Sillimmatitut innaallagissiorfimmut atortut nutaat pisiarineqareerput 2011-milu umiarsuaq tikittussaq siulleq atorlugu tikisinneqassallutik.